Revelation 11:5 - De Beebaa Dabu

⁵ Gai noo hanu e hagatale de hagalagolagohia gilaau, gai de ahi ga sao mai i lodo olaau ngudu ga daa gu maakau dangada e hai baasi ange gi gilaau. Gai deenei de hai e daa ai gi magau tangada e lodo e hagalagolagohia gilaau.

Revelation 11:5 Referans Kwoze

Jeremiah 5:14

Deenei ai, e hagadaba Tagi Maolunga, de Maadua o denga hagabuulinga hebagi: “Go hiidinga goodou gu tala muna nei, tilo, au e hai naa agu muna oodou e tala gi se ahi, gai de gau nei go lahhie e dudu laa i de ahi.

Hosea 6:5

Deenei ai, au e hai naa denga pelaabisi gi duuduudia gilaadeu, au gu daa gilaadeu gi maakau i agu muna, gai dagu hagamodu e moolau naa donu bei de gemo o de maalama.

Isaiah 11:4

aagai ia e hagamodu muna o dangada e duasala i de heohi, ma de hagamodu muna o de gau hagaau aloha i henua i lalo i de heohi. Ia e hagaduasala naa henua i lalo i ana muna e tala; gai e daa gi maakau de gau baubau i de madangi o dana manava.

Zechariah 2:8

Gai e hagadaba Tagi o denga hagabuulinga hebagi: Dua dana hai gi hano au i dono mahamaha gi denga huaahenua ne haia gi de mahi oodou mee — go hiidinga be goai e poo adu gi goodou e poo ange donu gi tama legalega eidu o dono ganomada —

Jeremiah 1:10

Tilo, anailaa nei gai au gu dugu adu gi de goe ssauaa i honga denga huaahenua ma denga nohoanga hodooligi, e unuunusi age ai ma de oha ai ma de hagadee kii, ma de hagatuu age aama de doo gi ssomo.”

Psalm 18:8

De useahi gu buu mai i lodo luoono bongaa usu; de ahi ula gu sao mai i lo tono ngudu, gai denga maga ahi e kaa mai i ono daha.

Zechariah 1:6

Aagai agu muna ma agu hainga ne hagasauaa gu tala ange gi ogu dangada hai hegau go denga pelaabisi, tee tuu ange laa gi oodou dubuna madagidagi? Gai gilaadeu ne daahuli olaadeu lodo ga hagataba, ‘Tagi o denga hagabuulinga hebagi ne hagaduasala gimaadeu gi bei dagodo o adaadeu hegau aama dahulinga, bei dana hai gu hagatau ai laa.’ ”

Ezekiel 43:3

Gai de midi aagu ne gide laa e bei dagu midi hagaago ange ne gidee laa i dono masavaa ne humai ai ga oha de aduhale, gai e bei hogi dagu midi ne gidee laa i gaogao ssaalingaa vai go Kebar. Gai au ga ino gi honga de gelegele.

Revelation 9:17

Gai aanei dagodo o denga hoosa aagu ne gidee laa i dagu midi ma gilaadeu e kage ai: gilaadeu e kahu i mee buibui hadahada, gai e bei de leebunga o de ula o de ahi ma de hadu hagamogomogo go de sapphire ma sulfur, biho o denga hoosa laa e bei biho o denga laiono, gai de ahi ma de useahi aama sulfur e loomai i lodo olaadeu ngudu.

Revelation 13:13

Gai de lua manu alasala laa ne hai denga hagailonga nnui, gai ne hai donu hogi ga hano iho de ahi i de langi gi henua i lalo i madamada o dangada,