Revelation 11:19 - De Beebaa Dabu

¹⁹ Gai gu hhuge de temple o de Maadua i de langi, gai au gu gidee de ngavesi o dana hagatoo donu hagaheloongoi i lo tono temple. Gai gu labalaba mai ai denga uila, ma de nguu lo te moana i de babaa o denga hatuli, ma de ngalungalue o de henua, aama de too iho o denga dibadibaa haisi nnui.

Revelation 11:19 Referans Kwoze

Revelation 16:21

gai denga dibadibaa haisi nnui, agu made e dagillau pauni de daemaha, gu too iho i de langi gi honga o dangada. Gai dangada ga pasa baubau i de Maadua i hiidinga de kona de hagamaatagu o de mee hagamaakau go denga dibadibaa haisi laa.

Ezekiel 38:22

Gai au e hagaduasala naa ia i denga mee hagamaakau, ma de daa ono dangada gi magau; au e hai naa hogi gi pala iho de langi maadolu, ma denga dibadibaa haisi aama denga maga ahi ula gi ono elunga ma honga ono hagabuulinga hebagi aama honga o denga huaadangada soa madali ia.

Revelation 4:5

Gai de nohoanga laa e labalaba mai ai denga uila, ma de babaa ai denga hatuli. Gai mada i mua o de nohoanga laa iai e hidu laama gu haaula. Aanei denga hagasaalunga e hidu o de Maadua.

Revelation 8:5

Gai tangada de langi laa ga kave de mee e dudu ai laa mee maanongi, ga hhao ange de ahi gi ono lodo ga maga iho gi henua i lalo. Gai gu babaa denga hatuli, ma de ngaolo, gai gu labalaba denga uila, gai gu ngalungalue de henua.

Isaiah 30:30

Gai Tagi Maolunga e hai naa gi langona e dangada dono leo maolunga, ma de gidee de hagaabo dono lima i dono bole, ma de ahi ula mmahi e duungia laa mee, madali de langi pala, ma de madangi, aama dibadibaa haisi.

Revelation 19:11

Gai au ne gidee de langi gu mahuge, gai tilo, dahi hoosa tea gu sao mai. Gai de ia e gage i ono elunga e hagaingoo ange go de Mee Abodonu ma de Heohi. Gai ia e hagamodu muna ma de hebagi i de heohi.

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Numbers 10:33

Gai de gau Israel ne ngaalue ga hulo gee mai i de mounga o Tagi Maolunga, gai gilaadeu ne seesee ga hulo i e dolu laangi. Gai de ngavesi o de hagatoo donu hagaheloongoi a Tagi Maolunga, e hano i olaadeu mada i mua i laangi e dolu laa, e ssala ai delaadeu mommee e hagammabu ai.

Numbers 4:15

Gai ga lava naa huu i de haoli a Aaron ma ana dama daane de mommee dabu ma ono goloa alodahi, gai de hagadiilinga o Kohath ga loomai ga saabai mee nei i de masavaa o dangada e daga ai e hulo. Aagai gilaadeu e dee poo ange donu gi goloa dabu nei, kana maakau gilaadeu. Aanei goloa o de hale malo hagabuni a de hagadiilinga o Kohath e saabai.

Numbers 4:5

De masavaa naa huu o dangada i de mommee nnoho gaainga e ngaalue ai e hulo, gai Aaron ma ana dama daane gi dugua iho de malo buibui, ga haoli ai de ngavesi o de tala hagadonu.

Revelation 16:18

Gai gu labalaba denga uila, ma de hagalongaa i de babaa o denga hatuli, gai gu kona de ngalungalue o de henua. Tigi ai ange se ngalungalue o de henua bee nei mai i taamada de nnoho o dangada i henua i lalo, i hiidinga de kona de laumalie de ngalungalue o de henua.

Revelation 11:13

De masavaa laa donu huu gai gu kona de ngalungalue o de henua, gai dahi diba i diba e madaangahulu o de aduhale laa gu maoha. Gai gu maakau e hidumano dangada i de ngalungalue o de henua, gai dangada e doe gu kona mmao de maatagu, gai gilaadeu ga hagamahamaha de Maadua o de langi.

Revelation 8:7

Tahi dangada de langi ne ili dana trumpet, gai gu too iho denga duudangaa haisi ma de ahi e hilo laa ma dodo gi henua i lalo. Gai dahi diba i diba e dolu o henua i lalo gu vela, madali dahi diba i diba e dolu o denga manu ssomo, aama denga helii alodahi.

Isaiah 32:19

Gai ga too iho naa donu denga dibadibaa haisi ga oha lodo henua, gai de aduhale e oha ga odi,

Isaiah 28:2

Tilo, de Ia Aamua e dahi ana ia sauaa ma de mmahi. Bei denga duudangaa haisi ma de madangi mmahi e oohaa laa mee, ma de langi mmahi ma de maadolu e pala iho laa, gai ia e poo ga maga iho naa gi honga de gelegele.

Ezekiel 13:11

deenei ai, daalaa ange gi dangada ne lebu tea ina de buibui laa, bolo de buibui laa e baguu naa donu. De langi maadolu e pala iho naa, gai denga dibaa haisi e too iho naa, gai de madangi mmahi e ssau mai naa.

Psalm 105:32

Ia ne hagamalili iho denga dibadibaa haisi bei de langi pala, ma de hai gi dabadaba denga uila i honga delaadeu henua.

Psalm 18:12

De maalama i mada luoono mada e sula mai laa lodo ana hagausinga, madali denga dibadibaa haisi aama uila.

Joshua 10:11

Gai de masavaa olaadeu e saavini ai e hulo gee i de gau Israel, i de madadaagodo i Beth Horon, gai Tagi Maolunga ga tili iho denga duudangaa haisi nui i de langi gi olaadeu elunga, ga dae ai loo gi Azekah. Gai ne soa ange gilaadeu ne maakau i hiidinga o denga duudangaa haisi, i gilaadeu a de gau Israel ne daa ga maakau i de gadilaasa.

Isaiah 29:6

gai Tagi o denga hagabuulinga hebagi e humai naa bei de hatuli ma de ngalungalue o de henua ma de leo mmahi, madali denga ssio ma de madangi aama de ahi e dudu ai mee alodahi.

Ezekiel 13:13

Deenei ai, e hagadaba de Ia Aamua go Iahweh: Au e hai naa gi ssau mai de madangi mmahi i dogu bole, ma de hai gi pala iho de langi maadolu madali denga duudangaa haisi ga oha ai de buibui laa.

Revelation 4:1

Dua mee nei gai au ne galo age ga gidee, de haitoga o de langi gu mahuge. Gai de leo aagu ne langona laa i taamada, e bei laa de ili o de trumpet, ne basa mai gi de au ma e hai mai, “Humai gi lunga i kinei, gai au ga hagaago adu gi de goe mee e hai i muli mai.”

Revelation 7:15

Deelaa ai, gilaadeu e tuu naa i mada i mua o de nohoanga o de Maadua, ga daumaha ange ai gi de ia i dono temple i de laangi ma de boo; gai de ia e noho laa i honga de nohoanga laa e buibui naa gilaadeu i dono noho i olaadeu daha.

Revelation 12:1

Gai dahi hagailonga hagalele mouli gu hagasula iho i de langi: dahi hahine e gahu i de laa, gai de maasina i lalo luoono vae, gai honga dono biho iai dahi hau e madaangahulu ma lua heduu iai.

Revelation 16:1

Gai au ne langona ange hogi dahi leo i lo te temple e basa ange gi denga dangada de langi dogohidu laa ma e hai ange, “Goodou hulo liingia ange gi henua i lalo mee i lodo boolo e hidu o de bole o de Maadua!”