Revelation 11:16 - De Beebaa Dabu

¹⁶ Gai denga daane maatua e dinolua ma dogohaa e nnoho laa i honga olaadeu nohoanga, i mada luu mada o de Maadua ga ino olaadeu mada gi honga de gelegele ga daumaha ange gi de Maadua,

Revelation 11:16 Referans Kwoze

Revelation 4:4

Gai e madalua ma haa nohoanga e hagatau i luu baasi de nohoanga laa. Gai e dinolua ma dogohaa daane maatua e nnoho i honga denga nohoanga laa, gilaadeu e kahu i denga malo tea, ma de hagauda denga hau goolo i honga olaadeu biho.

Revelation 4:10

gai denga daane maatua e dinolua ma dogohaa laa ga hagabaakuu gi honga de gelegele ga daumaha ange gi de ia e noho laa i honga de nohoanga laa, go de ia e mouli laa ga hano ai e dee ngado mai. Gai gilaadeu ga dugu ange olaadeu hau goolo gi mada i mua o de nohoanga laa, ga hagataba,

Revelation 7:11

Gai de gau de langi alodahi e tuu laa i luu baasi de nohoanga laa, ma denga daane maatua, aama denga mee mouli e haa laa, ga hagabaakuu gi honga de gelegele i mada i mua o de nohoanga laa ga daumaha ange gi de Maadua,

Revelation 19:4

Gai denga daane maatua e dinolua ma dogohaa laa ma denga mee mouli e haa laa ga hagabaakuu gi honga de gelegele ga daumaha ange gi de Maadua e noho laa i honga de nohoanga, ga hagataba, “Amen. Hallelujah!”

Revelation 5:14

Gai denga mee mouli e haa laa ga hagataba, “Amen,” gai denga daane maatua laa ga ino gi lalo ga daumaha.

Matthew 19:28

Iesu ne hai ange gi gilaadeu, “Ni muna abodonu aagu e hai adu nei gi goodou, de masavaa naa huu o Tama a Tangada e noho ai i honga dono nohoanga mahamaha i henua i lalo hoou, gai goodou ne daudali mai laa i de au, e nnoho naa hogi i honga e madaangahulu ma lua nohoanga, ga hagamodu ai muna o denga aamuli e madaangahulu ma lua o de gau Israel.