Revelation 11:15 - De Beebaa Dabu

¹⁵ Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Revelation 11:15 Referans Kwoze

Daniel 7:14

Gai gu gaavange gi de ia ssauaa e dagi ai, ma de mahamaha, ma de nohoanga hodooligi; gai denga hagadaagangaa dangada alodahi, ma huaahenua, aama huaadangada e pasa i denga hagadaagangaa muna gi daumaha ange gi de ia. Gai dono sauaa e dagi ai e dee ngado mai, gai dono nohoanga hodooligi e dee maua naa donu i de oha.

Daniel 7:27

Gai ssauaa e dagi ai, ma de mmahi aama de mahamaha o denga nohoanga hodooligi i lalo de langi alodahi, e gaavange naa gi de gau dabu, go dangada o de Ia Maolunga Mmao laa. Gai dono nohoanga hodooligi e dagodo naa donu huu ga hano ai, gai dagi alodahi e daumaha ange naa gi de ia ma de hagallongo ange gi de ia.’

Revelation 12:10

Gai au ne langona dahi leo mmahi i de langi e hagadaba, “Gu baa mai de hagaola, ma ssauaa, ma de nohoanga hodooligi o taadeu Maadua, ma ssauaa o dana Klisdo e dagi ai. Go hiidinga de ia e hagabaubau ina odaadeu daina, ma de hagabaubau ina gilaadeu i mada luu mada o de Maadua, i de laangi ma de boo gu tili iho gi lalo.

Revelation 10:7

Aagai laangi naa huu a togohidu dangada de langi e ili ai dana trumpet, gai mee a de Maadua e dee iloo laa e hagassula donu, bei dana hai gu hagaago ange ai gi ono dangada hai hegau go denga pelaabisi.”

Zechariah 14:9

Gai Tagi Maolunga e hodooligi naa i henua i lalo alodahi. De laangi laa gai e dahi naa donu huu Dagi Maolunga, gai go dono ingoo donu huu e dahi.

Revelation 19:1

Dua mee nei gai au ne langona dahi mee bei de hevaalogi o de hagabuulingaa dangada soa i de langi, e hagataba, “Hallelujah! De hagaola ma de mahamaha, ma de mmahi mmao ni mee nii taadeu Maadua,

Luke 1:33

gai ia e dagi naa dangada o Jacob ga hano ai; gai dono nohoanga hodooligi e deai naa donu se odi.”

Exodus 15:18

Tagi Maolunga e dagi naa donu ga hano ai e dee ngado mai.”

Daniel 7:18

Aagai de gau dabu o de Ia Maolunga Mmao laa e kave naa de nohoanga hodooligi ga hodooligi ai, ga hano ai e dee ngado mai.’

Revelation 16:17

Gai de hidu dangada de langi ne llingi ange mee i lo tana boolo gi lo te moana i lunga. Gai dahi leo mmahi ne basa mai i honga de nohoanga i lo te temple, ga hagadaba, “Gu lava!”

Hebrews 1:8

Aagai ia ne hagadaba i dagodo o dana dama daane, “De Maadua, doo nohoanga hodooligi e dagodo ga hano ai e dee ngado mai, de laagau o doo nohoanga hodooligi go de laagau o de hagamodu heohi.

Micah 4:7

Au e hai naa tangada balagelage go dahi dangada e doe, gai dangada ne gaavee gee e hai naa ga se huaahenua mmahi. Gai Tagi Maolunga e dagi naa gilaadeu i honga de mounga go Zion, mai de laangi laa, ga hano ai e dee ngado mai.

Psalm 86:9

Denga huaahenua alodahi aau ne hai e loomai naa ga ino gi lalo ga daumaha adu gi de goe, dogu Ia Aamua, aama de hagamahamaha doo ingoo.

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

Revelation 19:6

Gai au ne langona dahi mee bei de hevaalogi o dahi hagabuulingaa dangada soa, ma de haganngolo o denga vai lagolago aama de babaa o denga hatuli nnui, e hagataba, “Hallelujah! Tagi Maolunga taadeu Maadua de Ia Mmahi Mmao laa gu hodooligi.

Revelation 15:4

Tagi Maolunga, goai e dee madagu ma tee hagamahamaha ina doo ingoo? Go koe donu huu e dabu. Denga huaahenua alodahi e loomai naa ga daumaha adu gi de goe, go hiidinga koe gu hagaago mai au hagamodu heohi.”

Luke 15:10

Au e hai adu gi goodou, de gau de langi a de Maadua e malangilangi donu hogi i de dahuli lodo o dahi dangada haisala.”

Zechariah 2:11

Denga huaahenua soa e hagabuni mai naa gi daho Tagi Maolunga, i de laangi laa ga hai ai ono dangada. Gai au e noho naa i oodou daha, gi iloo ai e goodou bolo go Tagi o denga hagabuulinga hebagi donu ne haia nei au gi humai gi oodou daha.

Ezekiel 37:25

Gilaadeu e nnoho naa i honga de henua aagu gu gaavange gi dogu dangada hai hegau go Jacob, go de henua o oodou dubuna nogo nnoho ai, gai gilaadeu ma alaadeu dama e nnoho ai naa ga hano ai, gai dogu dangada hai hegau go David e hodooligi naa i olaadeu elunga ga hano ai.

Isaiah 27:13

De laangi laa gai dahi hanga manu laumalie e ili naa. Gai dangada gu dai maakau laa i Assyria ma gilaadeu gu noonoodia laa ma gu gaavee gi Egypt, e loomai naa ga daumaha ange gi Tagi Maolunga i honga de mounga dabu i Jerusalem.

Psalm 146:10

Tagi Maolunga e hodooligi ga hano ai; Zion, doo Maadua e hodooligi i denga atangada alodahi. Duuhia Tagi Maolunga!

Psalm 110:4

Tagi Maolunga gu hagatoo donu gai ia e dee sui naa donu dana hagatoo donu: “Koe se dangada haimeedabu ga hano ai, bei dagodo o Melkizedek.”

Psalm 72:11

Denga hodooligi alodahi gi ino gi lalo i ono mada i mua, denga huaahenua alodahi gi hai hegau ange gi de ia.

Psalm 2:2

Denga hodooligi o henua i lalo gu hagadabena, gai denga dagi gu hagabuni e hai baasi ange ai gi Tagi Maolunga ma de Ia aana gu hagadabu i de lolo, ⌊ma de hagataba,⌋

Revelation 20:4

Gai au gu gidee hanu nohoanga hodooligi, gai gu gaavange ssauaa gi gilaadeu e nnoho i honga nohoanga laa e hagamodu ai muna. Au ne gidee hogi denga hagasaalunga o dangada ne duuduudia laa olaadeu ua, i hiidinga delaadeu tala hagadonu dagodo o Iesu ma muna a de Maadua, aagai gilaadeu tee daumaha ange gi de manu alasala laa aabe go dono diinonga, gai tee kave hogi dono maaga i honga olaadeu lae aabe go honga olaadeu lima. Gilaadeu alodahi gu mouli age ga hodooligi madali Klisdo i e mano ngadau.

Revelation 17:14

Gai gilaadeu e hulo naa ga hebagi ange gi Ssiibi Gauligi, aagai Ssiibi Gauligi e hagadee kii naa gilaadeu, go hiidinga go ia Tagi Maolunga o denga dagi, ma de Hodooligi o denga hodooligi. Gai dangada madali ia gu lava i de hagahi, ma de hili, gai gilaadeu e hai hegau i de mee abodonu.”

Revelation 9:13

Gai togoono dangada de langi ne ili dana trumpet, gai au gu langona dahi leo e basa mai i denga hanga i honga dege e haa o de mommee o ssigidaumaha goolo i mada luu mada o de Maadua,

Revelation 9:1

Gai togolima dangada de langi ga ili dana trumpet, gai au gu gidee dahi heduu i lo te langi e doo iho gi henua i lalo, gai gu gaavange gi de heduu laa de gii o de geelonga e deai laa sono dagelo.

Revelation 8:12

Gai togohaa dangada de langi ne ili dana trumpet, gai dahi diba i diba e dolu o de laa, ma de maasina, aama denga heduu gu hagagohu, gai dahi diba i diba e dolu o olaadeu maalama gu gohu; deelaa ai, dahi diba i diba e dolu o de laangi ma de boo gu deai se maalama iai.

Matthew 6:13

Gai gi dee dagia ange gimaadeu gi de hagatale, aagai hagaola ina gimaadeu mai i de ia baubau laa.’

Hosea 2:23

gai au e doo naa ia e hai ai dagu manu i de henua. Au e lodo aloha ange naa gi Lo-Ruhamah, gai au e hai ange naa gi Lo-Ammi, ‘Goodou go ogu dangada’; gai ia e hai mai naa gi de au, ‘Go koe dogu Maadua.’ ”

Daniel 7:22

ga dae ai gi de humai o de Ia mai Madagidagi, ga hagamodu muna ga gaavange de heohi gi de gau dabu o de Ia Maolunga Mmao laa. Gai gu dae mai de masavaa e dugu ange ai ssauaa o de nohoanga hodooligi gi de gau dabu.

Isaiah 55:5

Tilo, koe e hagahi naa denga huaahenua aau e dee iloo, gai denga huaahenua e dee iloo goe e hagamoolau naa ga loomai gi oo daha, i hiidinga o Tagi Maolunga doo Maadua, go de Ia Dabu o Israel, go hiidinga ia gu hagamahamaha goe.

Isaiah 44:23

De langi, hevaalogi daahili i de malangilangi, i hiidinga go Tagi Maolunga ne haia de mee nei! Denga mommee i lalo de henua, goodou hevaalogi. Denga mounga, hevaalogi i taahili, de lodo henua, ma manu alodahi e ssomo ai, go hiidinga Tagi Maolunga gu hagaola Jacob, ia gu hagaago mai dono mahamaha i Israel.

Luke 15:6

ga ahe gi dono hale. Gai ia e hagabuni mai naa ono soa ma gilaadeu e paa ange gi de ia ga hai ange, ‘Goodou malangilangi madali au, dagu ssiibi nei ne dee maleva gai gu gidee ange hogi!’

Malachi 1:11

Dogu ingoo e hagaamua naa i denga huaahenua alodahi, mai i de sobo age o de laa ga dae ai gi de danu. Sigidaumaha o mee maanongi ma denga sigidaumaha gilimalali e gaamai naa gi de au i mommee alodahi, go hiidinga dogu ingoo e hagaamua naa i denga huaahenua, go Tagi o denga hagabuulinga hebagi e hagadaba.

Jeremiah 16:19

Tagi Maolunga, go koe ogu mahi ma dogu mommee buibui makaga, gai go dogu mommee mmuni i de masavaa hai ngadaa. Denga huaahenua e loomai naa i luu bido o henua i lalo, ga hagataba: “Omaadeu dubuna ni ngadi diinonga donu huu olaadeu e hanu, gai olaadeu diinonga tee haigamaiana ange donu gi gilaadeu.

Psalm 82:8

De Maadua, hidi age hagamodu ina muna o henua i lalo; i hiidinga niiou denga huaahenua alodahi!

Obadiah 1:21

De gau hagaola e loage naa gi de mounga go Zion ga dagi ai i denga mounga o Esau. Gai de nohoanga hodooligi e hai naa ga niio Tagi Maolunga.

Matthew 24:31

Gai ia e hai naa gi hulo ana dangada de langi i de ili o de trumpet, gai gilaadeu e hagabuni mai naa ana dangada gu hili i denga madangi e haa, ma mai i dahi bido o de langi ga hano ai gi de bido ange laa.

Acts 4:26

Denga hodooligi o henua i lalo gu hagadabena, gai denga dagi gu hagabuni i dahi mommee e hai baasi ange gi Tagi Maolunga ma dana Klisdo.’

Ezekiel 47:5

Gai ia ne haide ange hogi e mano sugilima, gai de vai laa gu se vai laumalie, gai au gu dee duu ai, go hiidinga de vai laa gu honu baabaa; gu maua donu e tangada i de kau ai, se vai gu honu gai gu dee maua i de seesee i ono lodo.