Revelation 10:10 - De Beebaa Dabu

¹⁰ Gai au ne kave de beebaa mulo damaa mee laa i daho tangada de langi ga gai; gai e maimai bei denga hooni i de masavaa aagu e maamaa ai i lo togu ngudu, aagai dua huu dagu holo mee laa, gai gu hai ga mmala lo togu dinae.

Revelation 10:10 Referans Kwoze

Ezekiel 3:3

Gai ia ne hai mai gi de au, “Tama a tangada, gaina de beebaa mulo aagu e gaavadu nei gi de goe haaoa ai lo too dinae.” Gai au ne gai de beebaa laa; gai e maimai bei de maimai o denga hooni i lo togu ngudu.

Proverbs 16:24

Muna a tangada abodonu e bei denga hooni, e maimai ange gi tangada, ma de hagammahi dono angaanga.

Psalm 119:103

Au muna e maimai i dagu mami ange, gai e maimai ange i denga hooni!

Psalm 104:34

Gai agu dalodalo gi hagamalangilangi ina ia; gai au e malangilangi i Tagi Maolunga.

Psalm 19:10

Ana muna e hagamogomogo ange i goolo, ma goolo danuaa hugadoo; gai e maimai ange i denga hooni ma denga hooni mai i lo te mommee iai hooni.

Ezekiel 3:14

Gai de Hagasaalunga ne hagamalanga age au ga kave gee, gai au ne hano ma tee lodo ma de lili, gai de lima mmahi o Tagi Maolunga ne poo au.

Ezekiel 2:10

gai ia ne doha de beebaa laa i ogu mada i mua. Gai luu baasi ngaadahi e sisi ai dagodo o tangi see ma de hinangalosaa, aama de duasala.

Revelation 10:9

Gai au ne hano gi daho tangada de langi laa ga hai ange ia gi gaamai de beebaa laa, gai ia ne hai mai, “Gaavee de beebaa nei gaina; gai e hai naa ga mmala lo too dinae, gai e maimai bei denga hooni i de masavaa aau e maamaa ai i lo too ngudu.”

Revelation 10:11

Gai gilaadeu ne tala mai hogi gi de au, “Basa pelaabisi daalaa dagodo o denga huaadangada soa, ma huaahenua, ma dangada e pasa i denga hagadaagangaa muna, aama denga hodooligi.”