Revelation 10:1 - De Beebaa Dabu

¹ Gai au ne gidee ange hogi dahi dangada de langi mmahi e hano iho mai i de langi. Ia e gahu i denga hagausinga, gai honga dono biho iai dahi umada, luoono mada e maalama bei de laa, gai luoono vae e bei denga duludulu e ula ai laa de ahi.

Revelation 10:1 Referans Kwoze

Matthew 17:2

Gai ia gu hagadagodo gee i olaadeu madamada: luoono mada gu maalama bei de laa, gai ono malo gu tea bei de maalama.

Ezekiel 1:28

Gai de maalama masalaba e duuli ai laa ia e bei de umada i lodo hagausinga i de laangi bala langi. Deenei dagu hai ne gidee ai dagodo o de mahamaha o Tagi Maolunga. De masavaa aagu ne gidee ai, gai au ga ino gi honga de gelegele, gai au gu langona de leo o dahi e basa ai.

Revelation 5:2

Gai au ne gidee dahi dangada de langi mmahi e oo i de leo mmahi ma e hagadaba, “Goai e bau ange gi de hhuge de beebaa mulo laa, ma de oha denga mee e hagamakaga ai laa?”

Daniel 10:6

Gai dono angaanga e malamalama bei topaz, luoono mada e bei de uila, luoono ganomada e ula bei de ahi, luoono lima ma luoono vae e malamalama bei bronze, gai dono leo e bei de hevaalogi o dangada soa mmao.

Revelation 4:3

Gai de ia e noho ai laa e masalaba bei luu hadu hagamogomogo go de jasper ma de carnelian. Gai de umada e duuli ina laa luu baasi e bei de emerald.

Revelation 8:13

Gai au ne gidee ma de langona dahi igele e hagadaba i de leo mmahi, i dono masavaa e lele ai i lo te moana, “E vakaa naa, e vakaa naa, e vakaa naa dangada e nnoho i henua i lalo, go hiidinga denga dangada de langi dogodolu ange laa gu dai ili naa alaadeu trumpet!”

Psalm 104:3

ma de hagatau dogai o dono aabi i lunga i honga denga vai. Ia ne hai dono hada hebagi i denga giliiga, gai ne gage i honga luu bakau o de madangi.

Psalm 97:2

Denga hagausinga ma de gohu boo dangodango e duuli ia; dono nohoanga hodooligi e hagaduu i de heohi ma de hagamodu muna heohi.

Revelation 1:7

Tilo, ia e humai naa i honga denga giliiga. Gai dangada alodahi e gidee naa ia, ma gilaadeu donu hogi ne velosia laa ia; gai aamuli alodahi o henua i lalo e tangi naa i ono hiidinga. Gai mee nei e hai naa donu! Amen.

Acts 26:13

De hodooligi, au ne gidee hogi i honga de haiava dahi maalama mai i de langi i daha de hualaangi, gai e maalama ange i de maalama o de laa, gai gu hagamaalama de mommee omaadeu ma dangada ne hulo madali au iai laa.

Luke 21:27

De masavaa laa gai dangada e gidee naa Tama a Tangada e humai i honga giliiga i ssauaa aama de mahamaha laumalie.

Daniel 7:13

Au ne gidee ange hogi i denga midi i de boo, dahi bei dagodo o Tama a Tangada e humai i honga denga giliiga i lo te langi; ia ne humai gi mada luu mada o de Ia mai Madagidagi.

Lamentations 3:44

Koe gu buibui goe i de hagausinga, gi dee maua ai amaadeu dalodalo gi tae age gi de goe.

Isaiah 54:9

Gai de mee nei e bei dagodo laangi o Noah, i de masavaa aagu ne hagatoo donu ai bolo denga vai e dee aahe ange naa donu e haoli henua i lalo. Gai e bei ai hogi, au gu hagatoo donu bolo au e dee lili ange naa donu i goodou, gai au e dee hagasee ange naa donu goodou.

Isaiah 19:1

Muna hagadaemaha i dagodo o Egypt. Tilo, Tagi Maolunga e gage i honga dahi giliiga gemo, gai ia e humai naa gi Egypt. Denga diinonga o Egypt e bolebole naa i mada luoono mada, gai dangada o Egypt e manavasaa naa olaadeu lodo.

Song of Songs 5:15

Luoono vae e bei denga duludulu marble e hagatuu laa i honga denga dagelo goolo. Dono angaanga alodahi e bei de mounga go Lebanon, ma ono cedar danuaa hugadoo.

Leviticus 16:2

Gai Tagi Maolunga ne hai ange gi Moses, “Daalaa ange gi doo daina go Aaron, ia gi dee humai gi lo te Aabi Dabu mmao, i lo te malo buibui i mada i mua o de pono o de tala haisala i honga de ngavesi o te hainga, i de masavaa aana e hilihili, gi dee magau ai ia. Go hiidinga au e hagasula mai i lo te hagausinga i honga de pono laa.

Exodus 16:10

Gai de masavaa o Aaron e basa ange ai gi de huaadangada alodahi o Israel, gai gilaadeu ne huuhuli ga kalo gi de vao, gu gidee adu de mahamaha o Tagi Maolunga e hanage i lo te hagausinga.

Revelation 18:1

Dua mee laa gai au ne gidee ange hogi dahi dangada de langi e hano iho i de langi, gai dono sauaa e laumalie mmao, gai henua i lalo alodahi gu maalama i dono mahamaha.

Revelation 18:21

Gai dahi dangada de langi mmahi ne poo age dahi hadu, bei de laumalie o dahi hadu mmili ga maga iho gi honga tai, gai ia ga hagadaba, “Deenei hogi de hai o Babylon, de aduhale maolunga laa, e tili iho ai ga maoha, gai e dee gidee ange naa donu.

Revelation 20:1

Gai au ne gidee hogi dahi dangada de langi e hano iho mai i de langi, gai ia e poo de gii o de geelonga e deai laa sono dagelo ma dahi seeini laumalie.