Biblia Todo Logo
Bib sou entènèt

- Piblisite -




Revelation 1:20 - De Beebaa Dabu

20 Gai mee e dee iloo i dagodo o denga heduu e hidu aau ne gidee laa e poo i dogu lima madau, ma denga mee dugu laama e hidu laa aanei: heduu e hidu laa go dangada de langi o denga nohoanga dabu e hidu, gai denga mee dugu laama e hidu laa go denga nohoanga dabu e hidu.

Gade chapit la Kopi




Revelation 1:20
24 Referans Kwoze  

“Siia ange muna nei gi tangada de langi o de nohoanga dabu i Ephesus: Aanei muna mai i daho de ia e daohia laa denga heduu e hidu i dono lima madau, ma de seesee i magavaa o denga mee dugu laama goolo e hidu laa.


“Gai siia ange muna nei gi tangada de langi o de nohoanga dabu i Sardis: Aanei muna mai i daho de ia e nnoho laa denga hagasaalunga dogohidu o de Maadua i ono daha, ma de daohi denga heduu e hidu laa. Au e iloo dagodo o au hegau. Koe e hagabinga bolo e mouli, aagai koe e magau donu.


Gai ia e daohi e hidu heduu i dono lima madau, gai de gadilaasa kangi baasi lua e sao mai i lo tono ngudu. Gai luoono mada e maalama bei de maalama o de laa i de masavaa e mmahi ai.


Gai ia ne ssili mai gi de au, “Ni aha aau e gide laa?” Gai au ne hai ange, “Au e gidee dahi mee dugu laama goolo, gai e dahi boolo e dugu i de ulu, ma e hidu laama i ono elunga, gai e dagidahi olaadeu mommee e velo ange aagena de uvigi.


“Gai siia ange muna nei gi tangada de langi o de nohoanga dabu i Philadelphia: Aanei muna a de ia dabu laa, go de ia e hai hegau laa i de muna abodonu, go de ia e daohia de gii a David; dana mee e hhuge e deai donu e maua i de pono, gai dana mee e pono e deai donu e maua i de hhuge.


“Gai siia ange muna nei gi tangada de langi o de nohoanga dabu i Laodicea: Aanei muna a de Amen, go de ia e hai hegau laa i de mee abodonu, gai se ia tala hagadonu abodonu, gai go ono daha ne daamada mai ai mee alodahi a de Maadua ne hai.


“Gai siia ange muna nei gi tangada de langi o de nohoanga dabu i Thyatira: Aanei muna a Tama a de Maadua, e ula laa luoono ganomada bei de ula o de ahi, gai luoono vae e bei bronze malamalama.


“Gai siia ange muna nei gi tangada de langi o de nohoanga dabu i Pergamum: Aanei muna mai i daho de ia e sao mai laa de gadilaasa kangi baasi lua i lo tono ngudu.


“Gai siia ange muna nei gi tangada de langi o de nohoanga dabu i Smyrna: Aanei muna mai i daho de ia i taamada gai go de hagaodi, go de ia ne magau laa gai gu mouli age ange.


Ia ne hai ange, “Gu dugu adu gi goodou gi maua i de tonu ange, gi mee o de nohoanga hodooligi o de Maadua e dee iloo laa, aagai e tala ange donu huu gi dangada ange laa i muna hagasengasenga; ‘gi gidee ai e gilaadeu gai e dee madea, gai gi langona ai e gilaadeu gai e dee tonu ange aagena.’


Iesu ne hai ange gi gilaadeu, “Gu dugu adu gi maua e goodou i de tonu ange gi mee o de nohoanga hodooligi o de langi e dee iloo laa, aagai tigi dugu ange gi gilaadeu.


Tangada haimeedabu gi daohia de iloo mee i ana muna e tala, gai dangada gi gaavee ana muna gi agoago ai, i hiidinga go ia tangada e daalaa muna a Tagi o denga hagabuulinga hebagi.


Gai koe ga hai e hidu laama moo de mee dugu laama ga dugu age gi ulu ono laa, e hagamaalama ai de mommee i ono mada i mua.


Gai ia ne hai e hidu laama, ma mee diinei ai laama ma mee hao lehu i goolo danuaa.


Denga daina, au e lodo goodou gi tonu ange gi dagodo o de mee nogo dee iloo laa, gi dee hagataba ai goodou bolo goodou e heiangi i doodou hagassoenga: hanu dangada Israel ne hagamakaga olaadeu lodo ga dae ai gi de odi ange taelodo o denga Gentile i de loomai.


Mai i daho John. Ange gi denga nohoanga dabu e hidu i Asia: De abodonu ma de nnoho paba gi dagodo i oodou daha, mai i daho de ia e noho laa iainei, gai gu noho mai huu madagidagi, gai gu dai humai naa hogi, ma mai i daho denga hagasaalunga e hidu i mada i mua o dono nohoanga hodooligi,


Gai de leo laa ne hai mai, “Siia au mee alodahi e gidee i dahi beebaa mulo ma gi gaavee gi denga nohoanga dabu e hidu i Asia: go de nohoanga dabu o Ephesus, ma Smyrna, ma Pergamum, ma Thyatira, ma Sardis, ma Philadelphia, aama Laodicea.”


Koe gi ahe ange gi manadua oo dagodo i mua doo ahe dua, gai dahuli oo lodo, ga hai au hegau nogo hai i taamada. Gai noo e deai, gai au e humai naa e aau gee dau mee dugu laama i dono duulanga, deelaa donu huu noo koe e dahuli oo lodo.


Gai honga dono lae e sisi ai dahi mee e dee iloo laa: “Babylon de aduhale laumalie, tinana o de gau hai be ni manu, aama de hai denga dahulinga hakino gee o henua i lalo.”


Aagai tangada de langi ne ssili mai gi de au, “Gu aha gu lele ai naa oo mouli? Au e hagadonu adu naa donu gi de goe mee e dee iloo laa, i dagodo o de hine laa ma de manu alasala oona e gage ai laa, go de manu alasala e hidu laa ono biho ma e madaangahulu hanga.


Swiv nou:

Piblisite


Piblisite