Revelation 1:11 - De Beebaa Dabu

¹¹ Gai de leo laa ne hai mai, “Siia au mee alodahi e gidee i dahi beebaa mulo ma gi gaavee gi denga nohoanga dabu e hidu i Asia: go de nohoanga dabu o Ephesus, ma Smyrna, ma Pergamum, ma Thyatira, ma Sardis, ma Philadelphia, aama Laodicea.”

Revelation 1:11 Referans Kwoze

Revelation 3:1

“Gai siia ange muna nei gi tangada de langi o de nohoanga dabu i Sardis: Aanei muna mai i daho de ia e nnoho laa denga hagasaalunga dogohidu o de Maadua i ono daha, ma de daohi denga heduu e hidu laa. Au e iloo dagodo o au hegau. Koe e hagabinga bolo e mouli, aagai koe e magau donu.

Revelation 1:4

Mai i daho John. Ange gi denga nohoanga dabu e hidu i Asia: De abodonu ma de nnoho paba gi dagodo i oodou daha, mai i daho de ia e noho laa iainei, gai gu noho mai huu madagidagi, gai gu dai humai naa hogi, ma mai i daho denga hagasaalunga e hidu i mada i mua o dono nohoanga hodooligi,

Habakkuk 2:2

Gai Tagi Maolunga ne hai mai gi de au: “Siia de midi hagaago ange nei, ma de sisi gi daakodo danuaa i honga denga duu hadu, gi maua ai e tangada e savini mai laa kilaa i de dau.

Jeremiah 30:2

“E hagadaba Tagi Maolunga, de Maadua o Israel: Siia ange muna alodahi aagu gu tala adu gi de goe gi lo te beebaa.

Revelation 3:14

“Gai siia ange muna nei gi tangada de langi o de nohoanga dabu i Laodicea: Aanei muna a de Amen, go de ia e hai hegau laa i de mee abodonu, gai se ia tala hagadonu abodonu, gai go ono daha ne daamada mai ai mee alodahi a de Maadua ne hai.

Revelation 3:7

“Gai siia ange muna nei gi tangada de langi o de nohoanga dabu i Philadelphia: Aanei muna a de ia dabu laa, go de ia e hai hegau laa i de muna abodonu, go de ia e daohia de gii a David; dana mee e hhuge e deai donu e maua i de pono, gai dana mee e pono e deai donu e maua i de hhuge.

Revelation 2:18

“Gai siia ange muna nei gi tangada de langi o de nohoanga dabu i Thyatira: Aanei muna a Tama a de Maadua, e ula laa luoono ganomada bei de ula o de ahi, gai luoono vae e bei bronze malamalama.

Revelation 2:12

“Gai siia ange muna nei gi tangada de langi o de nohoanga dabu i Pergamum: Aanei muna mai i daho de ia e sao mai laa de gadilaasa kangi baasi lua i lo tono ngudu.

Revelation 2:8

“Gai siia ange muna nei gi tangada de langi o de nohoanga dabu i Smyrna: Aanei muna mai i daho de ia i taamada gai go de hagaodi, go de ia ne magau laa gai gu mouli age ange.

Ephesians 1:1

Mai i daho Paul, tangada tala o Klisdo Iesu, bei dagodo de hagatau a de Maadua. Ange gi dangada o de Maadua i Ephesus, e hai hegau laa i de mee abodonu i lodo o Klisdo Iesu.

Isaiah 30:8

Hannoo siia ange muna nei gi honga dahi hadu baabaa i olaadeu madamada, gai siia ange hogi gi lo te beebaa mulo, gi daakodo ai i laangi e loomai e hagadonu ai mee nei ga hano ai.

Revelation 21:5

Gai de ia e noho laa i honga de nohoanga laa ga hagadaba, “Tilo, au e hai mee alodahi gi hoou.” Ia ne hagadaba hogi, “Siia mee nei, go hiidinga muna nei ni muna abodonu gai e heohi.”

Revelation 19:9

Gai tangada de langi ne hai mai gi de au, “Siia de mee nei: E manuuia gilaadeu e saalaa ange gi taonga hagahai bodu o Ssiibi Gauligi.” Ia ne hai mai hogi gi de au, “Muna nei ni muna abodonu nii de Maadua.”

Revelation 14:13

Gai au ne langona dahi leo mai i de langi, e hagadaba, “Siia de mee nei: E manuuia tangada e magau i lodo o Tagi Maolunga mai iainei ga hano ai.” Gai de Hagasaalunga ⌊Dabu⌋ ne hagadaba, “Uaa, gilaadeu e manuuia donu! Gilaadeu e hagammabu naa i alaadeu hegau, gai alaadeu hegau e daudali ange naa donu huu i gilaadeu.”

Revelation 10:4

Gai de masavaa o denga hatuli laa ne babaa ai, gai au ga hai e sisi muna laa; aagai au gu langona dahi leo mai i de langi e hai mai, “Aude daalaa mee a denga hatuli e hidu gu tala laa, gai e dee sisi hogi e daohi.”

Revelation 1:19

Deenei ai, siia mee aau gu gidee: mee alodahi e hai iainei aama mee e hai i muli mai.

Revelation 1:8

E hagadaba Tagi Maolunga de Maadua, “Go au de Alpha ma de Omega, go de ia e mouli iainei gai gu mouli mai huu madagidagi, gai e humai naa hogi — go de Ia Mmahi Mmao laa.”

1 Timothy 1:3

Au ne hai goe gi noho i Ephesus, i dogu masavaa ne hano ai gi Macedonia, gai koe ga hai ai gilaadeu e agoago i hanu agoago gee gi dee agoago ai,

Deuteronomy 31:19

Gai koe siia taahili nei ga agoago ange gi de gau Israel, gai gilaadeu ga daahili ai, gai taahili nei ga tala hagadonu ai ma de hagabaubau gi gilaadeu.

Revelation 1:17

De masavaa aagu ne gidee ai ia, gai au ga hagabaguu gi honga de gelegele i gaogao luoono vae gu bei dagodo o tangada magau. Aagai ia ga poo mai au i dono lima madau, ga hai mai, “Aude madagu, go au Tahi gai go au de Hagaodi,

Revelation 1:2

go de ia ne daalaa hagadonu muna a de Maadua ma muna a Iesu Klisdo — go mee alodahi aana ne gidee.

1 Corinthians 16:8

Aagai au e noho naa i Ephesus ga dae ai gi de Pentecost,

1 Corinthians 15:32

Gai ni aha naa donu aagu e mau, i dogu hebagi ange gi denga manu alasala i Ephesus? Noo de gau maakau e dee mouli age donu, “Gidaadeu ga gaimee ma de unu, go hiidinga daiao gidaadeu e maakau.”

Acts 20:17

Gai ia ne aalu denga dagi o de nohoanga dabu o Ephesus gi loomai gi ono daha i Miletus.

Acts 18:24

Gai e dahi daane Ssuu dono ingoo go Apollos, ia se daane mai i Alexandria, gai gu humai gi Ephesus. Ia se daane heiangi i de basa i honga o dangada gai ia e iloo de Beebaa Dabu.

Acts 16:14

Gai e dahi hahine i kilaa ne langona amaadeu agoago, dono ingoo go Lydia. Ia se hine e hagao ina denga malo purple, gai se hine mai i Thyatira e daumaha ange gi de Maadua. Gai Tagi Maolunga ne hhuge ono lodo gi hagalaangona ai e ia muna a Paul.

Colossians 2:1

Au e lodo goodou gi iloo bolo go oodou hiidinga oogu e hagaduu ngae ai nei, ma hiidinga o denga daina i Laodicea, aama dangada alodahi tigi gidee e gilaadeu au.

Revelation 1:20

Gai mee e dee iloo i dagodo o denga heduu e hidu aau ne gidee laa e poo i dogu lima madau, ma denga mee dugu laama e hidu laa aanei: heduu e hidu laa go dangada de langi o denga nohoanga dabu e hidu, gai denga mee dugu laama e hidu laa go denga nohoanga dabu e hidu.

Revelation 2:1

“Siia ange muna nei gi tangada de langi o de nohoanga dabu i Ephesus: Aanei muna mai i daho de ia e daohia laa denga heduu e hidu i dono lima madau, ma de seesee i magavaa o denga mee dugu laama goolo e hidu laa.

Revelation 2:24

Aagai au e hai adu gi goodou dangada o Thyatira ange laa, go goodou tee daohia laa agoago nei, gai tee agoago i mee a hanu e hagabinga laa bolo go aagonga i lalo a Satan: e deai ange donu agu mee e hagauda adu e hagadaemaha ai goodou;

Revelation 3:4

Gai goi hanu huu momo dangada i de nohoanga dabu i Sardis tigi vaigelegele olaadeu malo; gai gilaadeu e kahu naa i malo tea ga seesee ai madali au, go hiidinga gilaadeu e pau ange aagena.

Revelation 22:10

Gai ia ne hai mai gi de au, “Aude hagamuunia muna pelaabisi gu sisi i lo te beebaa nei, go hiidinga de masavaa gu baa mai donu.

Revelation 22:16

“Au go Iesu, au ne hai dogu dangada de langi gi hanadu gi daalaa hagadonu ina ange muna nei gi denga nohoanga dabu. Go au de laa ma de hagadiilinga o David, ma de heduu maalama o taiao.”