Psalm 98:8 - De Beebaa Dabu

⁸ Denga saalingaa vai gi baabaa olaadeu lima, gai denga mounga alodahi gi daahili i de malangilangi,

Psalm 98:8 Referans Kwoze

Isaiah 55:12

Gai goodou e ssao naa ga hulo i de malangilangi, ma de dagina ga hulo i de baba; denga mounga ma duuduu e oo naa ga daahili i oodou mada i mua, gai denga manu ssomo alodahi o de henua e baabaa naa olaadeu lima.

Psalm 89:12

Go koe ne haia ngaiho ma ngaage; gai luu mounga go Tabor ma Hermon e tuhi goe i de malangilangi.

Psalm 93:3

Tagi Maolunga, denga vai gu hagalongaa; denga vai gu hagalongaa, denga vai gu haganngolo.

Psalm 47:1

Dangada alodahi, baabaa oodou lima! Hevaalogi daahili ange gi de Maadua i de malangilangi!

2 Kings 11:12

Gai Jehoiada ga hagasao mai tama daane a de hodooligi, ga hagauda ange de hau hodooligi gi honga dono biho. Gai ia ga gaavange gi de ia dahi beebaa iai muna o de hagatoo donu hagaheloongoi; gai gilaadeu ga hagadabu ia i de lolo ga hai ia gi hodooligi. Gai dangada ga baabaa lima, ga hagataba, “Gi daulooloa de mouli o de hodooligi!”

Psalm 89:13

Koe e mmahi mmao; gai doo lima madau gu haalo i doo sauaa.