Psalm 97:9 - De Beebaa Dabu

⁹ Tagi Maolunga, koe e maolunga mmao i henua i lalo alodahi, koe e maolunga ange i denga diinonga alodahi.

Psalm 97:9 Referans Kwoze

Psalm 95:3

Go hiidinga Tagi Maolunga se Maadua maolunga, gai se Hodooligi e maolunga ange i denga diinonga alodahi.

Psalm 83:18

Gai gilaadeu gi iloo koe, go de ia e hagaingoo ange laa go Iahweh, gai go koe donu huu de Ia Maolunga Mmao i henua i lalo alodahi.

Exodus 18:11

Iainei au gu donu bolo Tagi Maolunga e maolunga ange i denga maadua ange laa alodahi, gai ia ne hai de mee nei i daho de gau Egypt, i hiidinga delaadeu hagamaolunga i de gau Israel.”

Jeremiah 10:10

Aagai Iahweh go de Maadua abodonu; go ia de Maadua e mouli laa, ma de Hodooligi e dee ngado mai. Dono bole e hagangalungalue de henua, gai denga huaahenua e dee pau ange gi dono bole.

Psalm 135:5

Au e iloo bolo Tagi Maolunga e maolunga, gai taadeu Ia Aamua e maolunga ange i denga diinonga ange laa alodahi.

Ephesians 1:21

ga hai ia gu maolunga ange i denga hagasaalunga alodahi e dagi laa, ma gilaadeu iai ssauaa, ma de mmahi, ma de maolunga, ma ingoo maolunga alodahi, e dee go iainei donu huu, aagai go de masavaa hogi e humai.

Psalm 96:4

Tagi Maolunga e maolunga mmao, gai e heohi taadeu tuhi ia; gai gi kii ange taadeu maatagu i de ia, i denga maadua alodahi.

Jeremiah 10:8

Gilaadeu alodahi e ssenga ma de llodo ssenga; gilaadeu e agoago i daho denga diinonga laagau e deai laa olaadeu haigamaiana.

1 Chronicles 17:20

Tagi Maolunga, e deai ange donu e bei oo dagodo, gai e deai ange donu se Maadua, go koe donu huu, bei demaadeu hai gu langona ai.

Psalm 92:9

Tagi Maolunga, galo ange diiloo oo hagadaumee; tilo, oo hagadaumee e maakau naa donu; gai gilaadeu alodahi e haia de baubau e mavaevae saele naa.

Psalm 136:2

Hagaahea ange de abodonu gi de Maadua o denga maadua. Dono abodonu e dagodo ga hano ai.

Isaiah 33:5

Tagi Maolunga gu hagaamua, go hiidinga ia e noho i de mommee maolunga; ia e hhao naa Zion i de hagamodu soe ma de mee heohi.