Psalm 97:7 - De Beebaa Dabu

⁷ Dangada alodahi e daumaha ange gi denga diinonga e dookaa naa, ma gilaadeu e duuhia denga diinonga; denga diinonga alodahi, daumaha ange gi de ia!

Psalm 97:7 Referans Kwoze

Hebrews 1:6

Gai de masavaa a de Maadua ne gaamai ai dana Dama Madua gi henua i lalo, gai ia ne hagadaba, “De gau de langi alodahi o de Maadua gi daumaha ange gi de ia.”

Jeremiah 10:14

Dangada alodahi e ssenga ma tee iloo mee, de labagau o denga goolo gu hagadogaa ina i ono diinonga. Ono diinonga e dee ni mee abodonu; gilaadeu e dee maua i de manavanava.

Isaiah 42:17

Dangada e hagadonusia denga diinonga ma de hai ange gi denga diinonga laagau ma diinonga baalanga, “Go goodou omaadeu maadua,” e aahe dua naa ma de dookaa.

Leviticus 26:1

“ ‘Goodou gi dee hai hanu diinonga be gi hagaduulia dahi diinonga, aabe se duludulu hadu moodou, gai goodou e dee hai dahi diinonga hadu i honga doodou henua ga daumaha ange aagena. Go au go Iahweh doodou Maadua.

Exodus 20:4

Aude haia dahi diinonga moou, gi hagadagodo ina ange gi dahi mee i de langi, be go dahi mee i henua i lalo, aabe go dahi mee i lo te vai i lalo de henua.

1 Peter 1:12

Gai ne hagaago ange gi gilaadeu bolo gilaadeu e dee hai hegau ange donu huu gi gilaadeu gai adu hogi gi goodou, i de masavaa alaadeu ne tala adu ai laa mee gu tala adu naa hogi gi goodou iainei i daho olaadeu ne agoagona adu goodou i de longo danuaa, i ssauaa o de Hagasaalunga Dabu ne hai laa gi hano iho i de langi. Gai denga dangada de langi e llodo donu hogi gi tonu ange gilaadeu gi mee nei.

Isaiah 41:29

Tilo, gilaadeu alodahi ni ngadi mee, alaadeu hegau e deai donu haigamaiana, olaadeu diinonga baalanga e bei de ngadi madangi.

2 Chronicles 3:13

Bakau o luu cherubim laa ngaadahi se madalua sugilima i de doha gi daha. Luu cherubim laa e tuu ma e huuhuli ange gi de aabi laumalie o de hale.

Deuteronomy 27:15

“E malaia tangada e hai dahi diinonga i laagau aabe ni baalanga hagavaivai — de mee nei se mee niio Tagi Maolunga e kino ai, se mee ne hai i luu lima o de labagau — gai ne hagaduu i de mommee e dee gidee.” Gai dangada alodahi gi hai ange, “Amen!”

Deuteronomy 5:8

Aude haia dahi diinonga moou, gi hagadagodo ina ange gi dahi mee i de langi, be go dahi mee i henua i lalo, aabe go dahi mee i lo te vai i lalo de henua.

Exodus 25:20

Gai luu cherubim laa gi hagadau huuhuli ange, gai olaau bakau e doha i honga de pono o de tala haisala. Gai olaau mada gi huuhuli iho gi honga de pono.

1 Samuel 5:3

Gai de masavaa o de gau Ashdod ne aalahage ai i de laangi i ono dua, gai tilo, Dagon gu baguu ma e huli gi lalo, i mada i mua o de ngavesi a Tagi Maolunga. Gai gilaadeu ga hagaahe ange Dagon ga hagaduu ange gi dono duulanga.

Isaiah 42:7

e hhuge ai ganomada o dangada e dee kide laa, ma de hagassao mai ai gilaadeu e nnoho i lo te hale pono ma lo te gohu.

Isaiah 45:16

Alodahi e haia denga diinonga e dookaa naa, ma de hagangadi mee ina; gilaadeu alodahi e ssenga ange naa.

Jeremiah 2:26

De gau Israel e dookaa naa donu, bei tangada gaiaa e dogaa laa i dono boogia mai — go gilaadeu ma olaadeu hodooligi, ma olaadeu dagi, ma olaadeu dangada haimeedabu aama olaadeu pelaabisi.