Psalm 95:7 - De Beebaa Dabu

⁷ I hiidinga go ia taadeu Maadua, gai gidaadeu go ana dangada i dana mommee iai helii, ma de hagabuulingaa ssiibi aana e tilo ange. Anailaa nei, noo goodou gu langona dono leo,

Psalm 95:7 Referans Kwoze

Hebrews 4:7

Gai de Maadua gu hagailonga hogi dahi laangi, ma gu hagaingoo ange go “anailaa nei”. Ia ne hagadaba hogi i daho David i muli mai, bei muna gu lava laa i de tala, “Anailaa nei, noo goodou gu langona dono leo, aagai goodou gi dee hagamakaga ina oodou lodo.”

Hebrews 3:15

Gai e hagadaba de Beebaa Dabu, “Anailaa nei, noo goodou gu langona dono leo, gai goodou gi dee hagamakaga ina oodou lodo bei de masavaa o de hai baasi.”

Revelation 3:20

Tilo, au e duu i de haitoga ma e dugidugi ai. Be goai e langona dogu leo ga hhuge mai de haitoga, gai au ga ulu gi ono daha ga gaimee madali ia, gai ia madali au.

Psalm 48:14

bolo deenei de Maadua, taadeu Maadua, ga hano ai e dee ngado mai. Go ia e dagina gidaadeu ga hano ai.

1 Peter 2:25

I mua gai goodou e bei denga ssiibi gu ssenga saele laa, aagai iainei goodou gu aahe mai gi de Ia Hagaloosi ma de ia e hagaloosi ina oodou hagasaalunga.

Psalm 74:1

De Maadua, gu aha gu tili ai naa goe gimaadeu ga hano ai? Gu aha goe gu kona ai naa doo lili i au ssiibi, go ssiibi i dau mommee iai helii?

Acts 20:28

Goodou diiloo iho goodou aama de hagabuulingaa ssiibi alodahi, go gilaadeu a de Hagasaalunga Dabu gu dugu adu goodou gi dagina, gai goodou ga hagaloosi ange ai de nohoanga dabu o de Maadua, aana ne hagao laa i ono dodo donu.

Psalm 23:1

Go Tagi Maolunga dogu ia hagaloosi; deelaa ai, e deai se mee daudahi oogu e duasala ai.

Hebrews 11:16

Aagai deenei tagodo, gilaadeu ne llodo mmao i de henua e danuaa ange — go de henua i de langi. Deelaa ai, de Maadua e dee dogaa donu i de hagabinga go delaadeu Maadua, go hiidinga ia gu hagadabena ange dahi aduhale gi gilaadeu.

Hebrews 3:13

Aagai goodou hagadau hagammahi ina goodou i laangi alodahi, i de masavaa goi hagabinga ai bolo go “anailaa nei,” gai dahi ma dahi gi dee hagamakaga ina ono lodo, i dono hagasengalia i de haisala.

Matthew 17:5

De masavaa o Peter e basa ai, gai tilo, dahi giliiga maalama gu haoli gilaadeu, gai dahi leo mai i lo te giliiga laa ga hagadaba, “Deenei dagu Dama Daane hagamogomogo, au e malangilangi i de ia. Goodou hagalaangona ana muna!”

Psalm 115:3

Demaadeu Maadua e noho i de langi; ia e hai be se aha aana e lodo e hai.

Psalm 79:13

Gai gimaadeu, oo dangada, go ssiibi i dau mommee iai helii, e hagaahe adu de abodonu ga hano ai; gimaadeu e tuhi naa goe i denga atangada alodahi.

Exodus 15:2

Go Tagi Maolunga ogu mahi ma dagu daahili, gai go ia dogu Ia Hagaola. Go ia dogu Maadua, gai au e tuhi naa donu ia; ia go de Maadua o dogu damana, gai au e daahili e tuhi ia.

Jeremiah 31:33

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba. Au e hai naa gi daakodo agu hainga i alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

Psalm 100:3

Goodou gi iloo bolo Iahweh go de Maadua donu. Go ia ne haia gidaadeu, gai niiana donu gidaadeu; gidaadeu go ono dangada, gai go ssiibi i dana mommee iai helii.

Exodus 20:2

“Go au go Iahweh, doo Maadua, ne hagasao ina mai laa goe i de henua go Egypt, go de henua oou nogo hai hegau hagaduasala ina ai.

Isaiah 55:3

Huugea oodou dalinga, gai loomai gi de au; goodou hagalaangona agu muna, gi mouli ai goodou. Au e hai naa dahi hagatoo donu hagaheloongoi dee ngado mai madali goodou, i hiidinga dogu hai hegau i de muna abodonu, aama dogu aloha gu hagatoo donu ange laa gi David.

Psalm 67:6

Gai de gelegele e hhua naa manu iai; gai de Maadua, taadeu Maadua, e hagamanuuia naa gidaadeu.

Proverbs 8:6

Goodou hagalaangona, go hiidinga e hanu agu mee hagamogomogo e tala adu; au e hhanga dogu ngudu e tala de mee heohi.

1 Chronicles 16:14

Go ia go Iahweh taadeu Maadua; ana hagamodu muna e hai ange gi henua i lalo alodahi.

Micah 7:14

Hagaloosia ange oo dangada i doo dogo, go de hagabuulingaa ssiibi o doo boolonga, go dangada e nnoho laa donu huu i gilaadeu i lodo henua, i de mommee iai de gelegele danuaa. Dugua denga manu gi gaimee saele i Bashan ma Gilead bei dagodo mee nogo hai madagidagi.