Psalm 95:6 - De Beebaa Dabu

⁶ Loomai, gidaadeu ga ino gi lalo e daumaha, gidaadeu ga duuduli i mada luu mada o Tagi Maolunga, de ia ne haia gidaadeu.

Psalm 95:6 Referans Kwoze

Philippians 2:10

gai alodahi e duuduli naa ga hagadubu de ingoo o Iesu, i de langi ma henua i lalo, aama lalo de gelegele,

Psalm 100:3

Goodou gi iloo bolo Iahweh go de Maadua donu. Go ia ne haia gidaadeu, gai niiana donu gidaadeu; gidaadeu go ono dangada, gai go ssiibi i dana mommee iai helii.

Daniel 6:10

Gai ga iloo huu e Daniel bolo gu hagasauaa de hainga laa, gai ia ga hano gi teege i lunga o dono hale, gi de mommee iai denga abaaba vaaligi e maahuge laa ma e huuhuli ange gi Jerusalem. Gai ia ne duuduli i kilaa ga dalodalo i e dolu hanonga i de laangi, gai ia ga hagaahe ange de abodonu i mada luu mada o de Maadua, bei dana dahulinga e hai i de laa tubua.

Psalm 95:1

Loomai, gidaadeu ga daahili ange gi Tagi Maolunga i de malangilangi; gidaadeu ga hevaalogi e tuhi de Baba e hagaola ina gidaadeu.

Ephesians 3:14

Deenei ai, au e duuduli i mada luu mada o Tamana,

Isaiah 54:5

Go hiidinga doo bodu go ia ne haia goe, dono ingoo go Tagi o denga hagabuulinga hebagi; gai de Ia Dabu o Israel go doo Ia Hagaola, ia e hagaingoo ange go de Maadua o henua i lalo alodahi.

1 Corinthians 6:20

goodou ne hagao ina i dahi hagaoanga laumalie. Deenei ai, goodou hagamahamaha ina de Maadua i oodou angaanga.

2 Chronicles 6:13

Gai ia gu lava i de hai dahi hada i bronze, e lima sugilima de looloa ma de lahalaha, gai e dolu sugilima tuuduu, ma gu dugu i lo te ungaalodo o de buibui laa daha. Gai ia ne gage gi honga de hada laa ga duuduli i madamada o de hagabuulingaa dangada o Israel, ga haalo luoono lima gi lunga,

Luke 22:41

Aagai Iesu ga hano gee mai i olaadeu daha, agu made dono mmao e bei de mmao o de hadu a dahi e maga laa, aagai ia ga duuduli ga dalodalo,

1 Peter 4:19

Deenei ai, gilaadeu e hagaduasala ina laa bei dagodo de hagatau a de Maadua, gi haia de mee heohi ma de dugu ange olaadeu hagasaalunga gi de ia ne haia gilaadeu, ia e hai hegau i de mee heohi.

John 1:3

Mee alodahi go ia ne haia; gai teai donu se mee daudahi e dee go ia ne haia.

Ezra 9:5

Gai de masavaa huu o ssigidaumaha i de ahiahi, gai au ga hidi age ma de daemaha ogu lodo, gai ogu malo ma dogu malo laa daha gu lava i dagu ssae, gai au ne duuduli ga haalo ange luoogu lima gi Tagi Maolunga dogu Maadua,

Revelation 22:17

Gai de Hagasaalunga ⌊Dabu⌋ ma de Hine gu dai hagahai bodu laa e hagataba, “Loomai.” Tangada e langona muna nei gi hagadaba, “Loomai.” Gai tangada e hieunu gi humai gi unu, gai tangada e lodo gi unumia vai o de mouli e dee hagao laa.

Acts 21:5

Gai ga odi huu laangi omaadeu ne nnoho ai i kilaa, gai gimaadeu ga hiihidi age e hulo, gai gilaadeu alodahi ma olaadeu bodu ma alaadeu dama ne daudali mai i gimaadeu ga hulo ai gi tua de aduhale. Gai gimaadeu ne duuduli i honga de gelegele ga dalodalo.

Isaiah 17:7

De laangi laa gai dangada e tali ange naa de ia ne haia gilaadeu, ma de daahuli ange naa gi de Ia Dabu o Israel.

Psalm 72:9

Gai denga aamuli i lodo henua e ino naa i ono mada i mua, gai ono hagadaumee e gai naa denga gelegele.

1 Kings 8:54

De masavaa huu ne hagalava ai talodalo a Solomon, ma dana dangidangi ange gi Tagi Maolunga, gai ia ga hidi age ga duu i gaogao de mommee o ssigidaumaha a Tagi Maolunga, go de mommee oona ne duuduli ai ga haalo age luoono lima gi de langi,

Exodus 20:5

Aude daumaha ange gi gilaadeu, aabe gi hai hegau ange gi gilaadeu; i hiidinga go au go Iahweh doo Maadua, au se Maadua e maagoda. Au e hagaduasala denga dama, i hiidinga baubau o olaadeu maadua, ga dae ai loo gi tolu ma de haa atangada o dangada e kino i de au,

Acts 7:60

Gai Stephen ga duuduli ga basa i de leo mmahi ga hagadaba, “Tagi Maolunga, koe gi dee dau ina ange sala nei gi gilaadeu.” Gai ga lava huu i dana tala muna nei, gai ia gu magau.

Mark 14:35

Gai ia ne damaa hanadu ange, ga hagabaguu gi honga de gelegele ga dalodalo be e maua, gai gi haia ga ui gee de aoaa laa i de ia.

Matthew 4:2

Gai ia tee gaimee i e madahaa laangi ma e madahaa boo, gai ia gu saalohia.

Hosea 8:14

Israel gu ngalo de ia ne haia ia, gai gu hagatuu denga hale danuaa; Judah gu hagalagolago ono aduhale buibui. Aagai au e gaamai naa de ahi gi duungia ono aduhale, gai de ahi e dudu naa ga odi denga mommee buibui makaga.

Ecclesiastes 12:1

Koe gi manadua de ia ne haia goe i de masavaa oou e dama daane ai, i mua de tae mai o denga laangi hai ngadaa, ma ngadau aau e hagadaba ai, “Au e dee malangilangi i laangi laa” —

Psalm 149:2

De gau Israel gi malangilangi i de ia ne haia gilaadeu; dangada o Zion gi lodo danuaa i delaadeu Hodooligi.

De Beebaa go Job 35:10

Aagai e deai donu se dangada e hagadaba, ‘I hee ai de Maadua ne haia nei au, ma de hai gi maua e dangada i de daahili i de boo,

Revelation 22:8

Gai go au donu go John ne langona laa ma de gidee mee nei. Gai de masavaa aagu ne langona ai ma de gidee mee nei, gai au ne hagabaguu gi honga de gelegele ga daumaha i gaogao luu vae o tangada de langi e hagaagona mai laa gi de au mee nei.

Acts 20:36

Aagai ga lava huu i dana tala ange muna laa gi gilaadeu, gai ia ga duuduli ga dalodalo madali gilaadeu alodahi.

Hosea 6:1

“Loomai, gidaadeu ga ahe ange gi Tagi Maolunga; ia gu hagammae gidaadeu, aagai ia e hagaieiangi naa gidaadeu; ia gu hagalagolagohia gidaadeu, aagai ia e saabini naa odaadeu maanuga.

Matthew 4:9

gai ia ga hai ange, “Au e gaavadu mee nei alodahi gi de goe, noo koe e duuduli ga ino gi lalo ga daumaha mai gi de au.”

2 Chronicles 29:28

Gai dangada alodahi ga daumaha, gai de gau daahili ga daahili, gai de gau e ilihia denga trumpet ga ili alaadeu trumpet. Gai mee nei ne duudagi donu huu de hai ga dae ai gi de hagalava ssigidaumaha dudu.

2 Chronicles 29:29

De masavaa huu ne hagalava ai ssigidaumaha, gai de hodooligi ma dangada alodahi i kilaa ga ino gi lalo ga daumaha.

2 Chronicles 29:30

Gai de hodooligi go Hezekiah ma denga dagi ga hai denga daane de aamuli o Levi gi daahili gi duuhia Tagi Maolunga, i denga daahili a David ma Asaph taane e daalaa mee e loomai. Gai gilaadeu ga daahili i denga daahili tuhi ma de malangilangi aama de duuduli ga daumaha.

Psalm 119:73

Luoo lima ne hai au ma de hagadau dogu angaanga; haia gi dahi ogu donu ange gai au ga agoago ai au hainga.

Psalm 139:13

Koe ne hagadau mee i lo togu angaanga; koe ne llanga dogu angaanga i lo te dinae o dogu dinana.

Isaiah 44:2

E hagadaba Tagi Maolunga, go de ia ne haia goe, ma de hagaholi goe i de mommee o denga dama, gai go de ia ne balea adu goe: Aude madagu, Jacob, dogu dangada hai hegau; Jeshurun, de mommee aagu ne hili.

Isaiah 64:8

Gai iainei, Tagi Maolunga, go koe demaadeu Damana. Gimaadeu go denga bela pigi, gai koe go de ia hai gumedi hadu; gimaadeu alodahi ni mee niiau ne hai.