Psalm 95:5 - De Beebaa Dabu

⁵ Niiana tai, i hiidinga go ia ne haia, gai go ia ne haia de henua mmasa.

Psalm 95:5 Referans Kwoze

Jonah 1:9

Gai ia ne hai ange gi gilaadeu, “Au se dangada Hebrew. Au e daumaha ange gi Tagi Maolunga, de Maadua o de langi, go de ia ne haia tai ma de henua.”

Jeremiah 5:22

E aha, goodou e dee maatagu naa i de au? go Tagi Maolunga e hagadaba. E aha, goodou e dee maatagu i de tuu i mada luoogu mada? Goodou e dee bolebole i doodou tuu i ogu mada i mua? Au ne hai de gelegele dea go de ngaadonga o tai, gai se buibui e dagodo gai tai e dee maua i de hano gi ui ai. Denga beau e hadihadi mai, aagai e dee maua i de oha; denga beau e hagangolo mai, aagai e dee maua i de hulo gi ui ai.

Proverbs 8:29

ma de masavaa aana ne hagamodu ai de ngaadonga o tai, gi dee hagahaisala ina ai e tai ana muna, ma de masavaa aana ne hagailonga ai denga dagelo o henua i lalo.

Proverbs 8:26

i mua dana hai henua i lalo ma denga duu malaelae i kilaa, aabe go de mama o de gelegele o henua i lalo.

Psalm 146:6

go de ia ne haia de langi ma henua i lalo, tai, aama mee alodahi iai. Ia e hai hegau i de muna abodonu ga hano ai.

Psalm 33:7

Ia ne hagabudu denga lausedi bei vai i lo te manu hao vai; gai ia ne dugu de moana gelo i lodo mommee doange.

Psalm 107:24

Gilaadeu gu gidee denga hegau a Tagi Maolunga, go ana hegau hagalele mouli ne hai i honga tai.