Psalm 95:3 - De Beebaa Dabu

³ Go hiidinga Tagi Maolunga se Maadua maolunga, gai se Hodooligi e maolunga ange i denga diinonga alodahi.

Psalm 95:3 Referans Kwoze

Psalm 96:4

Tagi Maolunga e maolunga mmao, gai e heohi taadeu tuhi ia; gai gi kii ange taadeu maatagu i de ia, i denga maadua alodahi.

Psalm 145:3

Tagi Maolunga e maolunga mmao, gai e heohi de hagalaumalie dono tuhi; dono maolunga e dee maua gi de tonu ange aagena.

Psalm 135:5

Au e iloo bolo Tagi Maolunga e maolunga, gai taadeu Ia Aamua e maolunga ange i denga diinonga ange laa alodahi.

Psalm 97:9

Tagi Maolunga, koe e maolunga mmao i henua i lalo alodahi, koe e maolunga ange i denga diinonga alodahi.

Exodus 18:11

Iainei au gu donu bolo Tagi Maolunga e maolunga ange i denga maadua ange laa alodahi, gai ia ne hai de mee nei i daho de gau Egypt, i hiidinga delaadeu hagamaolunga i de gau Israel.”

Matthew 5:35

be gi hagatoo donu i henua i lalo, i hiidinga go de mommee e dugu ange aagena luoono vae; aabe go Jerusalem, i hiidinga go de aduhale o de Hodooligi maolunga.

Psalm 47:2

Go hiidinga Tagi Maolunga, de Ia Maolunga Mmao laa, e hagamadagu mmao, go ia de hodooligi maolunga o henua i lalo alodahi.

Malachi 1:14

E malaia tangada gu hagatoo donu bolo ia e hai dana sigidaumaha i dahi ana ssiibi daane, aagai ne sigidaumaha ange gi de Ia Aamua i dahi manu e hanu mee baubau i dono angaanga. Go hiidinga au se Hodooligi maolunga, gai dogu ingoo se ingoo hagamaatagu i daho denga huaahenua, go Tagi o denga hagabuulinga hebagi e hagadaba.

Malachi 1:11

Dogu ingoo e hagaamua naa i denga huaahenua alodahi, mai i de sobo age o de laa ga dae ai gi de danu. Sigidaumaha o mee maanongi ma denga sigidaumaha gilimalali e gaamai naa gi de au i mommee alodahi, go hiidinga dogu ingoo e hagaamua naa i denga huaahenua, go Tagi o denga hagabuulinga hebagi e hagadaba.

Daniel 4:37

Gai au, Nebuchadnezzar, ne tuhi ma de hagaamua, ma de hagadubu de Hodooligi o de langi; go hiidinga ana hegau alodahi e heohi, gai ono haiava alodahi e dee haisala donu. Gai ia e hagamaolalo gilaadeu alodahi e llodo maolunga.

Jeremiah 46:18

Au e hagatoo donu i dogu mouli, go de Hodooligi e hagadaba, dono ingoo go Tagi o denga hagabuulinga hebagi: E humai naa dahi bei dagodo o Tabor i magavaa o denga mounga, ma dagodo o Carmel i gaogao tai.

Isaiah 44:8

Goodou aude bolebole, goodou aude maatagu. E aha, tee hagailoo ina e au ma de tala mee nei madagidagi loo? Go goodou ogu dangada hagadonu. E aha, e dahi ange maadua bei au? E deai, e deai ange donu se Baba mmahi; au e dee iloo bolo e dahi ange.”

Jeremiah 48:15

Gai Moab gu oha ma gu maoha, ono aduhale gu kage mai aagena denga daane hebagi, gai ono dama daane mmahi e daia naa ga maakau, go de Hodooligi e hagadaba, gai dono ingoo go Tagi o denga hagabuulinga hebagi.

Exodus 12:12

Gai lo te madohi boo naa huu, gai au ga hagadaga i Egypt e daa gi maakau denga dama daane maatua a dangada, ma manu dolodolo alodahi a de gau Egypt, aama de hagaduasala denga diinonga alodahi o Egypt. Go au donu go Iahweh.

Deuteronomy 7:21

Goodou aude maatagu donu i gilaadeu, go hiidinga Tagi Maolunga doodou Maadua e noho i oodou daha, gai ia se Maadua maolunga ma de hagamaatagu.

Nehemiah 8:6

Gai Ezra ne tuhi Tagi Maolunga de Maadua maolunga, gai dangada alodahi ne haalo olaadeu lima gi lo te moana, ga hagataba, “Amen! Amen!” Gai gilaadeu ne ino gi honga de gelegele ga daumaha ange gi Tagi Maolunga.

Psalm 47:3

Ia ne hai gimaadeu gi hagadee kii ina denga huaahenua, ma de hai gilaadeu gi nnoho i omaadeu lalo.

Psalm 104:1

Dogu hagasaalunga, hagadegi ina Tagi Maolunga. Tagi Maolunga, dogu Maadua, koe e maolunga mmao; koe e gahu i de mahamaha ma de hagadubu.