Psalm 94:23 - De Beebaa Dabu

²³ Ia e hagao ange naa olaadeu baubau, ma de daa gilaadeu gi maakau i hiidinga olaadeu haisala; Tagi Maolunga taadeu Maadua e daa naa donu gilaadeu gi odi.

Psalm 94:23 Referans Kwoze

Psalm 7:16

Ana hegau baubau gi aahe ange donu huu gi de ia, dono alasala gi ahe ange donu huu gi de ia.

Proverbs 14:32

Tangada baubau e hagaduasala donu huu i ana hegau baubau, aagai tangada heohi e dahi donu ono buibui i de masavaa o de magau.

Proverbs 2:22

aagai de gau baubau e hai naa gi dee nnoho i de henua, gai dangada e dee hai hegau i de mee abodonu e hai naa gi hulo gee mai i kilaa.

Psalm 55:23

Aagai koe, de Maadua, e tili iho naa de gau baubau gi lo te geelonga o de gau maakau; gai de gau daa dangada ma de daahangadia dangada e dee maua naa donu gi madohi lua olaadeu laangi e mouli ai. Aagai au e hagadonusia goe.

Proverbs 5:22

Hegau baubau a tangada baubau e gidee mai naa donu, gai ia e noodia ma e makaga i ono haisala.

Psalm 64:8

Ia e hai naa alaadeu muna donu gi hai baasi ange gi gilaadeu, gai ia ga oha ai gilaadeu; dangada alodahi e gidee gilaadeu e geugeu naa olaadeu biho.

Daniel 9:26

Gai dua naa huu de madaono ma lua uvigi laa, gai de ia gu hagadabu laa e daa naa ga magau, gai ia e deai naa donu ana mee. Gai dangada o tagi gu dai tae mai laa, e loomai naa ga oha de aduhale ma de mommee dabu laa. Gai de hagaodi e dae mai naa bei de humai o tolona. Gai de hebagi e duudagi naa donu huu ga dae ai gi de hagaodi, gai de oha o de aduhale gu lava donu i de hagamodu.

Daniel 7:24

Denga hanga e madaangahulu laa ni hodooligi e ssula age i de nohoanga hodooligi nei. Gai e dahi ange naa hodooligi e sula age i olaadeu dua. Ia e dagodo gee donu ma denga hodooligi ne loomai laa i mua; ia e hagadee kii naa e dolu hodooligi ange laa.

Ezekiel 18:24

Aagai noo tangada heohi e hano gee mai i de mee heohi ga hai de baubau, ga hai hegau hakino gee a tangada baubau e hai laa, gai e mouli ai naa ia? E deai, gai ana hegau danuaa alodahi gu hai laa e dee hagamaanadu naa donu, gai ia e daa naa donu ga magau i hiidinga ana hegau baubau gu hai aama ono haisala.

Proverbs 1:31

gilaadeu e gai naa hua o alaadeu hegau, ma de boobosu i de gai hua o alaadeu hagatau.

Psalm 12:3

Tagi Maolunga gi duuduudia malaungudu e hagasegesege ina ange dangada, ma de alelo e basa hagamaolunga,

Esther 7:10

Gai gilaadeu ga daudau Haman i honga de laagau aana ne hagaduu laa e daudau ai Mordecai, gai de hodooligi gu ahe dono lili.

Judges 9:57

Gai de Maadua ne sui ange hogi hegau baubau a dangada o Shechem ne hai. Gai muna hagamalaia a Jotham, tama daane a Jerub-Baal, gu hai ange donu gi gilaadeu.

2 Kings 19:7

Tilo, au e hai naa dahi hagasaalunga gi ulu gi ono lodo, gai de masavaa naa huu aana e langona ai dahi longo, gai ia e ahe naa gi dono henua. Gai au e hai naa dahi gi daia ia gi magau i de gadilaasa i dono henua.’ ”

Esther 9:25

Aagai de masavaa a de hodooligi ne iloo ai de hagatau laa, gai ia ne hagadaba i de leda aana ne sisi ai laa, i dagodo o de hagatau baubau a Haman ne hai laa e hai baasi ange gi de gau Ssuu, bolo gi ahe ange donu huu gi de ia, gai gi daudaulia gilaadeu ma ana dama daane i honga denga laagau.

Psalm 109:20

Gai gi deenei de hagaoanga a Tagi Maolunga e gaavange gi gilaadeu e hagabaubau ina ogu dagodo, ma gilaadeu e pasa baubau i de au.

Proverbs 5:23

Ia e magau naa i hiidinga ia tee agoagona, gai dono lodo senga laumalie e dagi gee ia.

Jeremiah 36:31

Gai au e hagaduasala naa ia ma ono hagadiilinga, ma ono dangada hai hegau i hiidinga olaadeu baubau; au e hai naa gi humai gi gilaadeu alodahi ma dangada e nnoho i Jerusalem, ma dangada o Judah de hai ngadaa aagu gu tala bolo e hai ange gi gilaadeu, i hiidinga gilaadeu tee hagallongo agu muna.’ ”