Psalm 90:13 - De Beebaa Dabu

¹³ Tagi Maolunga, ahe mai! Dee hee maa taulooloa? Lodo aloha ange gi oo dangada hai hegau.

Psalm 90:13 Referans Kwoze

Psalm 106:45

Gai ia ne manadua dana hagatoo donu hagaheloongoi, ga sui dana maanadu ga abodonu ange gi gilaadeu.

Psalm 135:14

Gai Tagi Maolunga e hagamodu naa bolo ono dangada e dee haisala, ma de lodo aloha ange gi ono dangada hai hegau.

Deuteronomy 32:36

Tagi Maolunga e hagamodu naa dagodo o ono dangada, ma de lodo aloha ange gi ono dangada hai hegau, i de masavaa aana e gidee ai teai olaadeu mahi, gai gu deai dangada hai hegau aabe ni dangada ilaage e doe.

Psalm 80:14

De Maadua o denga hagabuulinga hebagi, ahe mai! Galo iho i de langi mage diiloo, gai dagidiiloo de grapevine nei,

Jonah 3:9

Goai e iloo! Kana adu de Maadua e sui naa dana maanadu ga dee hagahai hegau dono lili laumalie mmao, gi dee maakau ai gidaadeu.”

Amos 7:6

Gai Tagi Maolunga gu sui ange hogi dana hagatau. “De mee nei e dee hagasula hogi,” go de Ia Aamua go Iahweh e hagadaba.

Amos 7:3

Gai Tagi Maolunga ne sui dana hagatau, gai ia ga hagadaba, “De mee nei e dee hagassula donu.”

Hosea 11:8

Ephraim, e maua e au i de tili goe? Israel, e maua e au i de dugu goe gi hano? E maua e au i de hai goe bei dagodo o Admah? E maua e au i de hai goe bei dagodo o Zeboiim? Ogu lodo gu dee baba mmao, au gu dee maua i de golomagi dogu lodo aloha.

Psalm 89:46

Tagi Maolunga, dee hee maa taulooloa? Koe ga mmuni naa donu i gimaadeu ga hano ai? Dee hee maa taulooloa doo bole bei de ahi mmahi?

Zechariah 1:16

Deenei ai, e hagadaba Tagi Maolunga: Au e ahe ange naa e lodo aloha ange gi Jerusalem; dogu hale e hagaduu naa i lo te aduhale laa, gai de uga haide e haide naa Jerusalem, go Tagi o denga hagabuulinga hebagi e hagadaba.

Jeremiah 12:15

Aagai dua dagu aau gee gilaadeu mai i olaadeu henua, gai au e ahe ange naa ga lodo aloha ange gi gilaadeu, ga hagaahe mai dahi ma dahi gi dono boolonga aama dono henua donu.

Psalm 74:10

De Maadua, dee hee maa taulooloa de kada o oo hagadaumee i de goe? E aha, oo hagadaumee e hagangadi mee naa doo ingoo ga hano ai?

Exodus 32:14

Gai Tagi Maolunga ga sui de hagatau aana ne maanadu laa de hai, ia tee hagaduasala dono huaadangada.

Exodus 32:12

Gai gu aha gu hai ai gi maua e de gau Egypt i de hagataba, ‘Tagi Maolunga se hagassao donu huu gilaadeu e kave e daa gi maakau i magavaa denga mounga, ma de hai gi odi gilaadeu i teai i henua i lalo.’ Hagahelui ina doo bole, gai suuia dau hagatau, koe gi dee hagaduasala ina doo huaadangada.

Numbers 10:36

Gai de masavaa naa huu o de ngavesi laa e haganoho ai, gai ia ga hagadaba, “Tagi Maolunga, ahe mai gi daho oo dangada go de gau Israel, e dee maua laa i de dau.”

Psalm 6:5

E deai donu se dangada e manadua goe i dua dono magau. Gai goai naa e duuhia goe i de mommee o de gau maakau?

Psalm 80:15

go de uli aau ne sigi mai ga doo, gai go tama aau ne hai ga somo ga mmahi.

Isaiah 63:17

Tagi Maolunga, gu aha gu dugu mai ai naa goe gimaadeu gi hulo gee i oo haiava ma de hagamakaga omaadeu lodo, gimaadeu gu dee maatagu i de goe? Ahe mai i hiidinga o oo dangada hai hegau, go denga aamuli gu bolo adu gi de goe.