Psalm 9:2 - De Beebaa Dabu

² Au e malangilangi ma de tuhi goe; de Ia Maolunga Mmao laa, au e daahili tuhi doo ingoo.

Psalm 9:2 Referans Kwoze

Psalm 83:18

Gai gilaadeu gi iloo koe, go de ia e hagaingoo ange laa go Iahweh, gai go koe donu huu de Ia Maolunga Mmao i henua i lalo alodahi.

Psalm 5:11

Aagai alodahi e buibui i oo daha gi malangilangi; gilaadeu gi hevaalogi i de malangilangi. Koe gi doohaa dau buibui i olaadeu elunga, gi malangilangi ai gilaadeu e aaloha i doo ingoo.

Psalm 7:17

Au e hagaahe ange de abodonu gi Tagi Maolunga i hiidinga dono heohi, ma de daahili e tuhi de ingoo o Tagi Maolunga, de Ia Maolunga Mmao laa.

Psalm 97:9

Tagi Maolunga, koe e maolunga mmao i henua i lalo alodahi, koe e maolunga ange i denga diinonga alodahi.

Psalm 28:7

Go Tagi Maolunga ogu mahi ma dagu mee hungihungi; au e hagadonu ia, gai au gu kave de bale i ono daha. Au gu malangilangi mmao, gai au e hagaahe ange de abodonu gi de ia i taahili.

Philippians 4:4

Goodou gi malangilangi i lodo o Tagi Maolunga i masavaa alodahi! Au e ahe ange e hai adu, goodou gi malangilangi!

Psalm 97:12

Goodou e heohi gi malangilangi i Tagi Maolunga, gai duuhia dono ingoo dabu.

Psalm 92:1

Se mee danuaa de tuhi Tagi Maolunga, ma de tuhi doo ingoo i taahili, de Ia Maolunga Mmao laa,

Daniel 5:18

De hodooligi, de Maadua Maolunga Mmao laa ne gaavange gi doo damana go Nebuchadnezzar dahi nohoanga hodooligi, ma ssauaa e dagi ai, ma de mahamaha aama de hagadubu.

Psalm 92:4

Tagi Maolunga, koe gu hai au gi malangilangi i au hegau, deelaa ai, au e daahili i dogu malangilangi i au hegau.

Psalm 43:4

Gai au e hano gi de mommee o ssigidaumaha a de Maadua, ma daho dogu Maadua i de malangilangi laumalie. Au e tuhi goe i de tale de lyre, de Maadua, go dogu Maadua.

Psalm 27:6

Gai au e kii naa i ogu hagadaumee e duuli ina luoogu baasi; au e hai naa ssigidaumaha i dono hale malo i de malangilangi laumalie ma de daahili ga tuhi Tagi Maolunga.

Psalm 26:7

au e hai gi laumalie dogu leo e tala tuhi ai goe, ma de tala dagodo o au hegau hagalele mouli alodahi.

Psalm 86:12

Dogu Ia Aamua, dogu Maadua, au e tuhi goe i ogu lodo alodahi, gai au e hagamahamaha doo ingoo ga hano ai.

Psalm 96:3

Daalaa dagodo o dono mahamaha i magavaa o denga huaahenua, aama ana hegau hagalele mouli i magavaa o dangada alodahi.

Psalm 138:1

Tagi Maolunga, au e hagaahe adu de abodonu i ogu lodo alodahi; au e tuhi goe i taahili i mada i mua o denga diinonga.