Psalm 9:16 - De Beebaa Dabu

¹⁶ Tagi Maolunga gu hagaago mai ono dagodo, i dana hagamodu muna i de heohi; de gau baubau gu boogia mai i alaadeu hegau baubau. Higgaion. Selah

Psalm 9:16 Referans Kwoze

Exodus 7:5

gi iloo ai de gau Egypt bolo go au donu go Iahweh, i de masavaa aagu e hagaduasala ai gilaadeu, ga kave gee de gau Israel mai i olaadeu daha.”

Isaiah 8:15

Gai e soa naa gilaadeu e laavea ai; gilaadeu e baakuu naa ga maoha, gilaadeu e noodia naa i ssele.”

Proverbs 12:13

Tangada baubau e hagahaisala donu huu i ana muna e tala, aagai tangada heohi e ola mai naa i de hai ngadaa.

Judges 1:7

Gai Adoni-Bezek ga hai ange, “Ne dinohidu hodooligi aagu ne duuduu olaadeu madannia ma olaadeu dabuvae maatua, ga hai gilaadeu gi ogohia age amuamu gai i lalo dogu deebele; gai de Maadua gu sui mai agu hegau ne hai ange gi gilaadeu.” Gai denga daane o Judah ne kave ia gi Jerusalem, gai go kilaa oona ne magau ai.

Exodus 14:4

Gai au e hagamakaga naa lodo o Pharaoh, gi dolohia mai ai e ia gilaadeu. Aagai dangada e hagamahamaha ai naa au, i hiidinga o mee aagu ne hai ange gi Pharaoh ma dono hagabuulinga hebagi, gi iloo ai de gau Egypt bolo go au donu go Iahweh.” Gai de gau Israel ne hagasula de mee nei.

Proverbs 6:2

noo koe gu noodia i au muna gu tala, ma de boogia i hiidinga o au muna gu tala,

Psalm 48:11

De mounga go Zion gi malangilangi! Dangada alodahi i Judah gi lodo malangilangi i hiidinga o dau hagamodu heohi!

Psalm 19:14

Haia agu muna e tala ma hagasaele i ogu lodo gi ni mee e hagamalangilangi ina goe, Tagi Maolunga, go koe dogu baba makaga ma dogu Ia Hagaola.

Psalm 11:6

Ia e hai naa gi loiho gi honga o de gau baubau de ahi ma maga ahi ula; gai tuuhanga i lodo alaadeu ubu go de madangi hagavvela.

Psalm 5:1

Tagi Maolunga, hagalaangona dagu dangidangi; gai anga mai i dogu manava i lunga.

2 Kings 19:19

Gai Tagi Maolunga, demaadeu Maadua, au e dangidangi adu, koe gi hagaola ina gimaadeu mai i de hodooligi o Assyria, gi iloo ai e denga nohoanga hodooligi alodahi o henua i lalo bolo go koe donu huu, Iahweh, de Maadua abodonu.”

1 Samuel 17:46

Ailaa nei gai Tagi Maolunga e dugu mai au gi hagadee kii ina goe, gai au ga daa ai goe gi magau ga tuu doo ua. Gai au e gaavange naa angaanga o de hagabuulinga hebagi o Philistia ailaa nei gi denga manu llele ma denga manu lodo henua gi gaina, gai gi iloo ai e henua i lalo alodahi bolo e dahi Maadua i Israel,

Exodus 14:31

Gai ga gidee huu e de gau Israel de mmahi o Tagi Maolunga ne hebagi ange ai gi de gau Egypt, gai gilaadeu gu maatagu i Tagi Maolunga aama de hagadonusia Tagi Maolunga ma dono dangada hai hegau go Moses.

Exodus 14:10

Gai ga paa adu huu Pharaoh, gai de gau Israel gu gidee e gilaadeu bolo de gau Egypt gu doolohi adu gilaadeu, gai gilaadeu gu maatagu mmao, gai gilaadeu ga tangi ange gi Tagi Maolunga.

Isaiah 28:13

Deelaa ai, muna a Tagi Maolunga ange gi gilaadeu e bei naa donu: e hagaaheahe ange naa, e hagaaheahe ange naa, go muna mau donu huu, go muna mau donu huu, gai e tala dagimomo ange, e tala dagimomo ange, gi hulo ai gilaadeu gi baakuu saele, gi lagolagohia, ma de noodia i ssele, aama de noonoodia ga gaavee gee.

Psalm 140:9

Haia hegau baubau a dangada e hai baasi mai gi de au gi aahe ange donu huu gi gilaadeu.

Psalm 92:3

ma de hagadangidangi i de lute ma de harp aama taahili ga hagadangidangi i de lyre.

De Beebaa go Job 18:9

Luoono vae gu noodia i ssele, gai gu lave ma gu makaga i kilaa.

Psalm 7:16

Ana hegau baubau gi aahe ange donu huu gi de ia, dono alasala gi ahe ange donu huu gi de ia.

Daniel 6:25

Gai de hodooligi go Darius ne sisi ange gi denga huaadangada ma huaahenua ma dangada e pasa i denga hagadaagangaa muna alodahi i dono nohoanga hodooligi alodahi, ga hai ange: “Gi laumalie doodou nnoho paba!