Psalm 89:38 - De Beebaa Dabu

³⁸ Aagai koe gu tili ma de kino i gimaadeu, koe gu lili i de ia aau gu hagadabu i de lolo.

Psalm 89:38 Referans Kwoze

1 Chronicles 28:9

Gai koe, dagu dama go Solomon, koe gi iloo de Maadua o doo damana, ma de hai hegau ange gi de ia i oo lodo alodahi ma au maanadu alodahi, go hiidinga Tagi Maolunga e iloo dagodo o denga lodo alodahi, ma de donu ange gi maanadu alodahi. Noo koe e ssala ia, gai koe e gidee naa donu ia; aagai noo koe e huli gee i de ia, gai ia e huli gee naa hogi i de goe ga hano ai.

Deuteronomy 32:19

Tagi Maolunga gu kino i gilaadeu i dana gide mee nei, i hiidinga ana dama daane ma damaa hine gu hai ia gi lili.

Psalm 106:40

Deelaa ai, Tagi Maolunga gu lili i ono dangada, ma de kino i dangada o dono boolonga.

Psalm 89:51

ma de hagammae manava a oo hagadaumee, e Tagi Maolunga, gilaadeu e hakadanga i de ia aau gu hagadabu i de lolo i mommee alodahi.

Zechariah 13:7

“De gadilaasa, alahage, hai baasi ange gi dogu dangada hagaloosi, gai hai baasi ange gi tangada e baa mai gi de au! go Tagi o denga hagabuulinga hebagi e hagadaba. Daia gi magau tangada hagaloosi, gi mavaevae saele ai denga ssiibi, gai au e hagaabo naa dogu lima e hai baasi ange ai gi denga ssiibi gauligi.

Zechariah 11:8

Gai au ne daa ga maakau de gau hagaloosi dogodolu laa i e dahi malama. Au tee maua de golomagi ogu lodo i gilaadeu, gai gilaadeu ne kino i de au.

Hosea 9:17

Dogu Maadua e tili naa gilaadeu, go hiidinga gilaadeu tee hagallongo ange gi de ia; gilaadeu e silivaahea saele naa i magavaa o dangada i denga huaahenua.

Lamentations 4:20

De ia a Tagi Maolunga gu hagadabu i de lolo, go de ia omaadeu e mouli ai, gu too ange gi lodo geelonga. Gai gimaadeu ne maanadu bolo gimaadeu e nnoho i lalo dono malu, i demaadeu nnoho i magavaa o denga huaahenua.

Lamentations 2:7

De Ia Aamua gu hagangadi mee dono mommee o ssigidaumaha, ma de tili dono mommee dabu. Ia gu dugu ange de hagadaumee gi oohaa denga buibui o ono hale danuaa; gilaadeu gu hagalongaa i lo te hale o Tagi Maolunga, bei mee e hai i laangi o dahi daonga gu hagailonga laa.

Jeremiah 12:1

Tagi Maolunga, koe e heohi donu, i de masavaa aagu e tala adu ai dogu heohi. Aagai au e basa adu gi de goe i dagodo o dau hagamodu muna. Gu aha de gau baubau e hagadagadaga age ai laa? Gai gu aha de gau vaivai daakodo alodahi e duadonu ai laa?

Psalm 84:9

De Maadua, galo iho diiloo demaadeu mee hungihungi; gai abodonu ange de ia aau gu hagadabu i de lolo.

Psalm 78:59

Gai ga langona huu e de Maadua, gai ia gu bole mmao, gai ia ga tili Israel.

Psalm 77:7

“E aha, de Ia Aamua e tili naa gidaadeu ga hano ai? Ia gu dee ahe ange naa donu e abodonu mai?

Psalm 60:10

De Maadua, e dee go koe ne dilia laa gimaadeu, gai gu dee hano madali omaadeu hagabuulinga hebagi?

Psalm 60:1

De Maadua, koe gu tili gimaadeu, ma de oha omaadeu buibui; koe ne lili i gimaadeu; ahe ange hagaahea mai gimaadeu!

2 Samuel 15:26

Aagai noo ia e hai adu, ‘Au e dee malangilangi i de goe,’ gai ia gi haia mai gi de au be se ahe aana e lodo e hai.”

2 Samuel 1:21

Goodou denga mounga o Gilboa, gi deai se maluulu be go de langi e pala iho gi oodou elunga, gai denga veelenga gi deai grain iai! Go hiidinga de mee hungihungi a taane mmahi ne maoha i kilaa, de mee hungihungi a Saul gu dee ahe ange e hulu i lolo.