Psalm 89:36 - De Beebaa Dabu

³⁶ bolo ono hagadiilinga e hodooligi naa donu ga hano ai, gai dono nohoanga hodooligi e dee lilo naa donu i taulooloa de sobo age o de laa.

Psalm 89:36 Referans Kwoze

Psalm 72:5

Gai dangada gi maatagu i de goe i taulooloa de aheahe ange o de laa ga sobo age, ma de maasina, i denga atangada alodahi!

Psalm 89:29

Gai au e hai naa dono aamuli gi hodooligi ga hano ai, gai dono nohoanga hodooligi e duudagi naa donu huu i taulooloa de dagodo de langi i lunga.

Isaiah 59:21

Gai e hagadaba Tagi Maolunga, “Deenei dagu hagatoo donu hagaheloongoi ange gi gilaadeu: dogu Hagasaalunga e noho naa i oo daha, ma agu muna gu hhao adu gi lo too ngudu, e dee hulo gee naa donu mai i lo too ngudu, ma mai i lodo ngudu o au dama, aama lodo ngudu olaadeu hagadiilinga, mai iainei ga hano ai,” go Tagi Maolunga e hagadaba.

Psalm 72:17

Dono ingoo gi dagodo ga hano ai, gai ono longo gi dele saele i taulooloa de sobo age o de laa. Dangada e manuuia naa i ono hiidinga, gai denga huaahenua alodahi e hagataba naa bolo ia e manuuia.

Luke 1:33

gai ia e dagi naa dangada o Jacob ga hano ai; gai dono nohoanga hodooligi e deai naa donu se odi.”

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

Psalm 89:4

‘Au e gaavange naa gi doo hagadiilinga de nohoanga hodooligi ga hano ai, ma de hai gi dagodo doo hodooligi i denga atangada alodahi.’ ”  Selah

2 Samuel 7:16

Gai au e hai naa gi dee llilo doo aamuli ma doo nohoanga hodooligi; gai doo nohoanga hodooligi e dagodo naa ga hano ai.’ ”

John 12:34

Dangada ne hai ange gi de ia, “Gimaadeu gu langona mai i de hainga bolo de Klisdo e mouli naa donu huu ga hano ai. Gai dee hee dau hai e tala mai ai naa bolo Tama a Tangada e hagaduu age? Goai Tama a tangada oou e basa ai naa?”

Jeremiah 33:20

“E hagadaba Tagi Maolunga: Noo goodou e maua i de oha dagu hagatoo donu hagaheloongoi ange gi de boo ma de laangi, ga hai de laangi ma de boo gi dee loomai i de masavaa gu hagailonga ange laa,

Isaiah 53:10

Aagai se hagatau nii Tagi Maolunga, de hagammae ia ma de hagaduasala ia, gai dono mouli ne hai ai ssigidaumaha o tagasala. Deelaa ai, ia e gidee naa ono hagadiilinga soa, ma de lagolago ono laangi e mouli ai; gai de hagatau a Tagi Maolunga e hagasula naa i ono daha.

2 Samuel 3:9

De Maadua gi hagaduasala ina donu au, noo au e dee bale ange David e hagassula muna a Tagi Maolunga gu hagatoo donu ange gi de ia,

Jeremiah 33:21

gai dagu hagatoo donu hagaheloongoi ange gi David, dogu dangada hai hegau — ma dagu hagatoo donu hagaheloongoi ange gi de aamuli o Levi, go gilaadeu e hai hegau i mada luoogu mada — e maua hogi i de oha, gai gu deai naa hogi se mogobuna o David, e hodooligi i dono nohoanga hodooligi.

Amos 4:2

De Ia Aamua go Iahweh gu hagatoo donu i dono ingoo dabu: “Tilo, e tae mai naa donu denga laangi alaadeu e hagalaulau ai goodou alodahi i maadau ga kave ai, gai goodou ange laa e hagalaulau naa hogi i maadau.