Psalm 89:23 - De Beebaa Dabu

²³ Au e hagabalaginagina naa ono hagadaumee i ono mada i mua ma de daa gilaadeu e kino i de ia.

Psalm 89:23 Referans Kwoze

2 Samuel 7:9

Gai au ne noho madali goe i mommee alodahi oou ne hano aagena, ma de dugu adu goe gi hagadee kii ina oo hagadaumee alodahi. Gai au e hai naa goe gi se dangada maolunga, bei dagodo o de gau maolunga o henua i lalo.

John 15:23

Tangada e kino i de au, e kino hogi i dogu Damana.

Psalm 132:18

Au e hai naa gi dookaa ono hagadaumee, aagai de hau hodooligi i honga dono biho e hagadagadaga age naa.”

Psalm 18:40

Koe ne hai ogu hagadaumee gi saavini gi hulo gee, gai au gu daa gilaadeu e kino i de au.

2 Samuel 7:1

Gai ga noho huu de hodooligi i dono hale, gai Tagi Maolunga gu hai gi noho baba ia, gu deai hagadaumee i luu baasi dono henua,

2 Samuel 3:1

Gai se masavaa daulooloa o denga daane o Saul ma denga daane o David ne hagadau hebagi ai; gai David e hagadagadaga ange de mmahi, gai de huaabodu o Saul e hagadaga huu de baageaa.

Luke 19:27

Aagai goodou gaamai gilaadeu e dee llodo laa au gi hodooligi i gilaadeu, gai daia gi maakau i ogu mada i mua.’ ”

Luke 19:14

Aagai dangada o dono henua e kino i de ia, gai gilaadeu ga hai gi hano dahi dangada sui gi hai ange, ‘Gimaadeu e dee llodo tangada naa gi hodooligi i omaadeu elunga.’

Psalm 109:3

Gilaadeu e duuli au i alaadeu muna hagabaubau, gilaadeu e hebagi mai gi de au, i teai hiidinga.