Psalm 89:14 - De Beebaa Dabu

¹⁴ Tagelo o doo nohoanga hodooligi go de heohi ma de hagamodu muna heohi; gai koe e hai hegau i de abodonu.

Psalm 89:14 Referans Kwoze

Psalm 97:2

Denga hagausinga ma de gohu boo dangodango e duuli ia; dono nohoanga hodooligi e hagaduu i de heohi ma de hagamodu muna heohi.

Proverbs 16:12

Denga hodooligi e kino i de hai a dangada denga hegau baubau, go hiidinga de nohoanga hodooligi e hagaduu ga makaga i de heohi.

Psalm 85:13

De heohi e hano i ono mada i mua, e hagadabena ai dono haiava e seesee ai.

Psalm 145:17

Tagi Maolunga e heohi ono haiava alodahi, gai e abodonu i hegau alodahi aana e hai.

Psalm 99:4

De Hodooligi e mmahi, gai e lodo i de hagamodu muna heohi; koe gu hagaduu gi makaga de hagamodu muna heohi, gai koe gu hagamodu muna o Jacob i de heohi.

Deuteronomy 32:4

Ia se baba makaga, ana hegau e hoohonu danuaa, gai ia e hai hegau i de hagamodu heohi. Ia se Maadua e hai hegau i de muna abodonu ma teai se baubau i ono daha, ia e hagamodu i de heohi ma de soe.

Revelation 15:3

Gai gilaadeu ne daahili i taahili a Moses, tangada hai hegau o de Maadua, ma taahili a Ssiibi Gauligi, ga hagataba, “Tagi Maolunga de Maadua Mmahi Mmao laa, ga dae laa de hagamaatagu ma de hagalele mouli au hegau! Au hegau e heohi gai ni mee abodonu, de Hodooligi o denga huaahenua.

Psalm 89:2

I hiidinga doo abodonu e dagodo naa donu huu ga hano ai, gai koe gu hagaduu gi makaga doo hai hegau i de muna abodonu i de langi.

John 1:17

Gai hainga ne gaavange gi Moses gi gaamai; gai de abodonu ma de muna abodonu ne gaamai i daho Iesu Klisdo.

Exodus 13:3

Gai Moses ne hai ange gi de huaadangada, “Goodou dao ina de laangi nei, go de laangi oodou ne ssao mai ai i Egypt, go de mommee oodou nogo hagahai hegau ina ai, go hiidinga Tagi Maolunga ne hagassao mai goodou i de henua laa i dono lima sauaa. Goodou e dee gai pelaoaa iai mee hagahua.

Exodus 15:6

Tagi Maolunga, doo lima madau e mmahi mmao; Tagi Maolunga, doo lima madau gu hagabalaginagina de hagadaumee.

Exodus 15:16

gilaadeu e maatagu naa ma de manavasaa mmao. Tagi Maolunga, doo sauaa mmahi gu hai gilaadeu ma gu dee vaa ngaalue bei dagodo o de hadu, ga dae ai gi de odi doo huaadangada i de hulo ga ui, ga dae ai gi de ui dangada aau ne hagaola.

Nehemiah 1:10

Gilaadeu go oo dangada hai hegau ma au dangada gu hagao i doo sauaa ma doo lima mmahi.

Psalm 98:1

Daahili ange gi Tagi Maolunga i taahili hoou, i hiidinga o ana hegau hagalele mouli gu hai; dono lima madau ma dono lima dabu gu hai ma gu kii ia.