Psalm 88:15 - De Beebaa Dabu

¹⁵ Mai i dogu gauligi gai au ne duasala ma de dai magau, au ne duu ange gi au mee hagamaatagu gai gu deai sagu tali.

Psalm 88:15 Referans Kwoze

De Beebaa go Job 6:4

Denga dao a de Ia Mmahi Mmao laa gu tili ma gu ulu au, gai au gu unu olaadeu mee hagammau; mee hagamaatagu a de Maadua gu hagatau e hai baasi mai gi de au.

Luke 22:44

Gai ia ne dalodalo hagammahi i de daemaha mmao ono lodo, gai ono daadaa gu bei denga madaua dodo nnui gu too iho gi honga de gelegele.

Isaiah 53:10

Aagai se hagatau nii Tagi Maolunga, de hagammae ia ma de hagaduasala ia, gai dono mouli ne hai ai ssigidaumaha o tagasala. Deelaa ai, ia e gidee naa ono hagadiilinga soa, ma de lagolago ono laangi e mouli ai; gai de hagatau a Tagi Maolunga e hagasula naa i ono daha.

Psalm 73:14

Mai i taiao ga boo ai gai au e duasala, gai au e duasala i daiao alodahi.

Zechariah 13:7

“De gadilaasa, alahage, hai baasi ange gi dogu dangada hagaloosi, gai hai baasi ange gi tangada e baa mai gi de au! go Tagi o denga hagabuulinga hebagi e hagadaba. Daia gi magau tangada hagaloosi, gi mavaevae saele ai denga ssiibi, gai au e hagaabo naa dogu lima e hai baasi ange ai gi denga ssiibi gauligi.

Isaiah 53:3

Ia ne hagangadi mee ina ma de kino ai o dangada, se dangada e lagolago ono hagammae, ma de donu ange gi dagodo o de hagaduasala. Dangada e kino i de kalo ange e tilo ia; ia ne hagangadi mee ina, gai gidaadeu tee hagadubu ia.

De Beebaa go Job 17:1

Gu kona mmao de daemaha ogu lodo, gu odi ogu laangi e mouli ai, gai dogu daanunga gu tali donu huu au.

De Beebaa go Job 30:20

De Maadua, au e dangi adu gi de goe, aagai koe e dee basa mai; au e duu age, aagai koe e dee anga mai gi de au.

Psalm 43:2

Go koe de Maadua, gai go koe dogu mommee buibui makaga. Gai gu aha gu tili ai naa goe au? Ni haigamaiana aha dogu hano saele ma de daemaha ogu lodo i de hagaduasala a ogu hagadaumee au?

Psalm 44:25

Gimaadeu gu ino gi lo te gelegele; gai omaadeu angaanga gu daakodo i lo te gelegele.