Psalm 88:10 - De Beebaa Dabu

¹⁰ E aha, koe e hagaago ange au hegau hagalele mouli gi de gau maakau? E aha, de gau maakau e hiihidi age laa ga tuhi goe? Selah

Psalm 88:10 Referans Kwoze

Psalm 6:5

E deai donu se dangada e manadua goe i dua dono magau. Gai goai naa e duuhia goe i de mommee o de gau maakau?

Isaiah 26:19

De gau maakau e mouli age naa; olaadeu angaanga e hiihidi age naa. Goodou denga angaanga i lodo daanunga, hiihidi age daahili i doodou malangilangi. Go hiidinga oodou mouli hoou e bei de mee suungia i taiao, gai de gelegele e hagaahe age naa denga hagasaalunga o de gau maakau.

Psalm 30:9

“Ni haigamaiana aha dogu daia ga magau, ma dogu hano gi de mommee o de gau maakau? E maua e de gelegele i de tuhi goe? Gai e maua e de gelegele i de tala dagodo o doo hai hegau i de muna abodonu?

Psalm 118:17

Au e dee magau donu aagai e mouli, ga tala dagodo hegau hagalele mouli a Tagi Maolunga.

Psalm 115:17

De gau maakau e dee maua i de tuhi Tagi Maolunga, aabe go dangada gu loiho gi de mommee e dee mmuu ai dangada.

Psalm 86:3

Dogu Ia Aamua, abodonu mai gi de au, i hiidinga au e dangi adu i taiao ga boo ai.

Psalm 143:6

Au e haalo adu dogu lima gi de goe; dogu hagasaalunga e lodo mmao i de goe bei dagodo o de gelegele e deai vai iai. Selah