Psalm 84:2 - De Beebaa Dabu

² Au e hinangalosaa aama de lodo mmao e tilo de buibui o de hale o Tagi Maolunga; ogu lodo ma dogu ngudu e daahili i de malangilangi ange gi de Maadua e mouli laa.

Psalm 84:2 Referans Kwoze

Isaiah 26:9

Ogu lodo e maanadu donu huu goe i de boo, gai dogu hagasaalunga e oho boo e ssala goe. De masavaa aau e hagamodu ai muna i henua i lalo, gai dangada e nnoho i henua i lalo gu iloo e gilaadeu de mee heohi.

Psalm 119:81

Au e lodo mmao i dau hagaola, aagai dagu tali hagalodolodo go au muna.

Psalm 143:6

Au e haalo adu dogu lima gi de goe; dogu hagasaalunga e lodo mmao i de goe bei dagodo o de gelegele e deai vai iai. Selah

Psalm 73:26

Dogu angaanga ma ogu lodo e baageaa naa, aagai go de Maadua e hagammahi ina ogu lodo, go ia dogu duuhanga ga hano ai.

Psalm 119:20

Au e kona mmao de maanadu au hagamodu i masavaa alodahi.

Song of Songs 5:8

Denga damaa hine o Jerusalem, au e hai adu gi goodou, noo goodou gu gidee dogu dau soa, gai goodou daalaa ange gi de ia bolo au gu magi i dogu aloha.

De Beebaa go Job 23:3

Mee naa gi iloo e au be go hee aagu e gidee ai ia; gai au ga hano ai gi dono mommee iai!

Isaiah 64:1

Mee naa koe gi saea de langi ga iho mai gi lalo, gi ngalungaalue ai denga mounga i mada luoo mada!

Numbers 24:5

Jacob, ga dae laa de mahamaha oo hale malo, Israel, oo mommee nnoho gaainga e mahamaha!