Psalm 83:18 - De Beebaa Dabu

¹⁸ Gai gilaadeu gi iloo koe, go de ia e hagaingoo ange laa go Iahweh, gai go koe donu huu de Ia Maolunga Mmao i henua i lalo alodahi.

Psalm 83:18 Referans Kwoze

Exodus 6:3

au ne hakide ange gi Abraham, ma Isaac aama Jacob, go de Maadua Mmahi Mmao laa, aagai au tee hagaago ange gi iloo e gilaadeu dogu ingoo go Iahweh.

Psalm 59:13

hagallilo ina gilaadeu i doo bole, hagallilo ina gilaadeu ga dae ai gi teai se gilaadeu e doe. Gai henua i lalo alodahi e iloo naa bolo go de Maadua e dagina Jacob. Selah

Ezekiel 38:23

Gai au e hagaago ange naa gi de ia dogu maolunga, aama dogu dabu. Gai au e hai naa gi iloo e gilaadeu ogu dagodo i madamada o denga huaahenua. Gai gi iloo ai e gilaadeu bolo go au donu go Iahweh.’

Psalm 97:9

Tagi Maolunga, koe e maolunga mmao i henua i lalo alodahi, koe e maolunga ange i denga diinonga alodahi.

Jeremiah 16:21

“Deenei ai, ⌊e hagadaba Tagi Maolunga,⌋ tilo, au e hai naa gi iloo e gilaadeu, au e hagaago ange naa gi iloo e gilaadeu dagodo o dogu sauaa ma ogu mmahi, gi iloo e gilaadeu bolo dogu ingoo go Iahweh.

2 Kings 19:19

Gai Tagi Maolunga, demaadeu Maadua, au e dangidangi adu, koe gi hagaola ina gimaadeu mai i de hodooligi o Assyria, gi iloo ai e denga nohoanga hodooligi alodahi o henua i lalo bolo go koe donu huu, Iahweh, de Maadua abodonu.”

Daniel 4:32

Koe e hano gee naa i daho dangada ga noho madali denga manu aada i lodo henua. Koe e gai naa helii bei denga kaau, ga dae ai gi de odi ange de hidu ngadau, gai koe gu donu iho bolo go de Ia Maolunga Mmao laa e dagina denga nohoanga hodooligi o dangada, gai go ia e dugua ange be goai aana e lodo e gaavange aagena.”

Ezekiel 30:19

Deenei dagu hai e hagaduasala ai Egypt. Gai gi iloo ai gilaadeu bolo go au donu go Iahweh.”

Isaiah 42:8

Go au go Iahweh; deenei dogu ingoo! Au e dee gaavange naa donu dogu mahamaha gi dahi dangada gee, aabe e gaavange dogu tuhi gi denga diinonga.

Micah 4:13

Tamaa hine o Zion, hiihidi age dagadagahia, go hiidinga au e hai naa oo hanga gi ni iron gai oo gubu vae gi ni bronze, gai koe ga oha ai gi maoha denga huaahenua soa. Koe e hagadabu ange naa olaadeu goloa gi Tagi Maolunga, gai olaadeu lava e gaavange gi de Ia Aamua o henua i lalo alodahi.

1 Kings 18:37

Tagi Maolunga, basa mai gi dagu dalodalo, gi iloo ai e de huaadangada nei bolo go koe donu go Iahweh, de Maadua abodonu, gai koe gu ahe ange e hagadaahuli mai olaadeu lodo.”

Isaiah 54:5

Go hiidinga doo bodu go ia ne haia goe, dono ingoo go Tagi o denga hagabuulinga hebagi; gai de Ia Dabu o Israel go doo Ia Hagaola, ia e hagaingoo ange go de Maadua o henua i lalo alodahi.

Psalm 92:8

Aagai koe, Tagi Maolunga, e hagaamua naa ga hano ai.

Psalm 9:2

Au e malangilangi ma de tuhi goe; de Ia Maolunga Mmao laa, au e daahili tuhi doo ingoo.

Psalm 9:16

Tagi Maolunga gu hagaago mai ono dagodo, i dana hagamodu muna i de heohi; de gau baubau gu boogia mai i alaadeu hegau baubau. Higgaion. Selah

Genesis 22:14

Gai Abraham ga hagaingoo ange de mommee laa go Iahweh Jireh, bei de hai gu tala ai laa ga dae mai ai gi anailaa nei, “Tagi Maolunga e gaamai i honga dono mounga.”

Zechariah 4:14

Ia ne hai mai gi de au, “Aanei luu dangada gu hagadabu laa gi tuu i mada luu mada o de Ia Aamua o henua i lalo alodahi.”

Daniel 4:25

Koe e hano gee mai naa i daho dangada ga noho madali denga manu aada i lodo henua. Koe e gai naa denga helii bei denga kaau, ma de ssui doo angaanga i de mee suungia o de langi, ga dae ai gi de odi ange de hidu ngadau, gai koe gu donu iho, bolo go de Ia Maolunga Mmao laa e dagina nohoanga hodooligi o dangada, ma de dugu ange gi tangada aana e lodo e gaavange aagena.

Isaiah 5:16

Aagai Tagi o denga hagabuulinga hebagi e hagaamua naa i hiidinga dana hagamodu i de heohi, gai de Maadua dabu e hagaago mai naa bolo ia e dabu i dono heohi.

Psalm 18:13

Tagi Maolunga e basa mai i de langi bei de babaa denga hatuli, de Ia Maolunga Mmao laa gu hai gi langona dono leo, i magavaa o denga dibadibaa haisi ma denga maga ahi.

Psalm 35:4

Haia gi dookaa ma de hai gi hagamaolalo ina gilaadeu e saalaa laa au e daa gi magau; haia gilaadeu e nnoho e hebagi mai gi de au gi aahe dua ma de ssenga ange.