Psalm 82:2 - De Beebaa Dabu

² “Dee hee maa taulooloa doodou dee hagamodu muna i de heohi, ma doodou hagabuni ange gi de gau baubau? Selah

Psalm 82:2 Referans Kwoze

Deuteronomy 1:17

Gai goodou e dee hilihili dangada i doodou hagamodu muna; goodou hagamodu ina muna o de gau maolalo ma de gau maolunga gi se dagodo daudahi. Goodou gi dee maatagu i dahi dangada daudahi, i hiidinga go de Maadua e hagamodu ina muna. Gai be se aha naa huu e hai ngadaa adu gi goodou, gai goodou gaamai, gai au ga hagallongo.”

Proverbs 18:5

E dee danuaa doo hagabuni ange gi tangada baubau, aabe go de hagamodu muna o tangada tigi haisala i mee dee heohi.

Galatians 2:6

Gai gilaadeu e hagabinga laa bolo ni dagi — olaadeu duulanga aamua e dee ni mee dau donu i ogu daha; de Maadua e dee vae dangada donu — gai teai hogi alaadeu muna ne bale mai ai au.

Psalm 62:3

Dee hee maa taulooloa doodou hebagi ange e daa dahi dangada? Ia e bei de buibui gu singa laa, ma de buibui gu daudau iho laa gi lalo.

De Beebaa go Job 34:19

Go ia e dee hilihili dangada ange gi dagi o de henua, gai e dee kii ange dono abodonu ange gi de gau lava i de gau hagaau aloha, go hiidinga go ia ne haia gilaadeu alodahi.

2 Chronicles 19:7

Goodou gi maatagu i Tagi Maolunga; gai dagidiiloo gi danuaa oodou mee e hai, go hiidinga Tagi Maolunga taadeu Maadua e dee haisala donu dana hagamodu aabe hilihili dangada, ia e dee kave hogi denga mee ngadi gaavange hagasenga.”

1 Kings 18:21

Gai Elijah ne humai ga duu i mada i mua o dangada alodahi, ga hai ange, “Dee hee maa taulooloa doodou lodo lagolago? Noo Iahweh go de Maadua, gai goodou daudali ange i de ia; aagai noo Baal go de Maadua, gai goodou daudali ange i de ia.” Gai dangada gu dee mmuu.

Leviticus 19:15

Aude hagahaisala ina de hagamodu muna heohi; aude haia gi dagodo gee dau hai e hai ai tangada hagaau aloha ma tangada lava, aagai koe gi hagamodu ina muna o tangada e baa adu gi de goe i de heohi.

Exodus 10:3

Gai Moses ma Aaron ga hulo gi daho Pharaoh, ga hai ange gi de ia, “E hagadaba Tagi Maolunga de Maadua o de gau Hebrew, ‘Dee hee maa taulooloa dau dee lodo e hagamaolalo goe i mada luoogu mada? Dugua dogu huaadangada gi hulo, gi maua ai e gilaadeu i de daumaha mai gi de au.

Matthew 17:17

Gai Iesu ne basa ange ga hai ange, “Goodou se atangada e dee hagadonusia ma de baubau, dee hee maa taulooloa dogu noho i oodou daha? Gai dee hee maa taulooloa de golomagi ogu lodo i goodou? Dagina mai ia gi ogu daha.”

De Beebaa go Job 32:21

Au e dee hilihili dangada aabe e hagasegesege ange dahi dangada.

Ezekiel 45:9

“E hagadaba de Ia Aamua go Iahweh: Denga dagi o Israel, goodou gu gona odi oodou mee e hai! Gu lava oodou vaivai hai ma de hagaduasala dangada, gai hai hegau i hagamodu heohi ma de mee heohi. Goodou aude alualumia dangada mai honga olaadeu mommee, go de Ia Aamua go Iahweh e hagadaba.