Psalm 80:5 - De Beebaa Dabu

⁵ Koe gu haangai ange gilaadeu i pelaoaa e hai i denga loimada; koe gu hagaunu ange gilaadeu i loimada lagolago.

Psalm 80:5 Referans Kwoze

Isaiah 30:20

Gai ga gaavadu naa donu e de Ia Aamua gi goodou de hai ngadaa ma de hagaduasala, aagai doodou Ia Agoago e dee mmuni donu i goodou; gai goodou e gidee naa doodou Ia Agoago.

Psalm 42:3

Ogu loimada go agu mee e gai i de laangi aama de boo, gai dangada e ssili mai gi de au i taiao ga boo ai, “I hee iai doo Maadua?”

Psalm 102:9

Agu gai go denga mama o de gelegele, ogu loimada e ssali ange gi lodo agu mee unu,

De Beebaa go Job 6:7

Au e kino gee donu i de gai mee nei; gai denga gai bee nei e hai au ma e dai hagalueia.

Psalm 74:1

De Maadua, gu aha gu tili ai naa goe gimaadeu ga hano ai? Gu aha goe gu kona ai naa doo lili i au ssiibi, go ssiibi i dau mommee iai helii?

Psalm 79:5

Tagi Maolunga, dee hee maa taulooloa? Koe ga duudagi naa donu huu doo lili i gimaadeu ga hano ai? Dee hee maa taulooloa de kona doo maagoda bei de ahi ula?

Lamentations 3:43

Koe ne saabini goe i doo lili ga doolohi ai gimaadeu; koe ne daa gimaadeu ga maakau, koe tee lodo aloha mai donu.

Lamentations 3:44

Koe gu buibui goe i de hagausinga, gi dee maua ai amaadeu dalodalo gi tae age gi de goe.