Psalm 78:23 - De Beebaa Dabu

²³ Aagai ia ne basa ange gi lo te langi i lunga, ma de hhuge denga haitoga o de langi;

Psalm 78:23 Referans Kwoze

Genesis 7:11

Gai go de onolau ngadau o Noah, i de madaangahulu ma hidu laangi o de lua malama — go de laangi nei ne hhuge ai denga vai i lalo de henua, gai denga abaaba o de langi gu hhuge.

Malachi 3:10

Goodou gaamai alodahi denga sigidaumaha o dahi diba i diba e madaangahulu gi dogu mommee doange, gi hanu ai gai i dogu hale. Gai hagatale ange ogu dagodo, go Tagi o denga hagabuulinga hebagi e hagadaba, gai goodou ga tilo dagu hhuge denga haitoga o de langi ga llingi iho denga manuuia lagolago, ga dae ai gi de hoohonu oodou mommee doange mee.

Isaiah 5:6

Au e hai naa de veelenga laa gi se ngadi gelegele; au e dee velevele naa donu aabe hagabalabala de veelenga laa, gai gi ssomo age ai denga manu duiduia ma manu daladala; au e hai ange naa gi denga hagausinga gi haia gi dee pala iho de langi gi ono elunga.

Psalm 33:9

Go hiidinga ia ne basa, gai gu hai ga bei; ia ne tala de muna, gai gu hanu mee.

2 Kings 7:19

Gai tagi o denga daane hebagi ne hai ange laa gi taane o de Maadua, “Ga huugea naa donu e Tagi Maolunga denga abaaba o de langi, gai de mee laa e dee maua donu i de hai.” Gai taane o de Maadua ne hai ange, “Koe e gidee naa de hai mee nei, aagai koe e dee mami ange naa donu dahi mee daudahi.”

2 Kings 7:2

Gai taane e baalea ange laa de hodooligi ne hai ange gi taane o de Maadua, “Ga huugea naa donu e Tagi Maolunga denga abaaba o de langi, gai e dee maua donu i de hai mee nei!” Gai Elisha ga hai ange, “Koe e gidee naa de hai mee nei, aagai koe e dee mami ange naa donu mee nei.”