Psalm 78:18 - De Beebaa Dabu

¹⁸ Gilaadeu se hagabau donu de hagatale de Maadua i olaadeu lodo i delaadeu hai gi de mahi ia gi gaavange alaadeu gai e llodo ai.

Psalm 78:18 Referans Kwoze

Deuteronomy 6:16

Goodou aude hagataalea Tagi Maolunga doodou Maadua bei doodou hai ne hagatale ai laa ia i Massah.

Numbers 11:4

Gai de gau henua gee ne hulo laa madali gilaadeu e kona de llodo e gai kano manu; gai de gau Israel ne tangi hogi ga hagataba, “Mee naa gi hanu amaadeu giidagi e gai!

1 Corinthians 10:9

Gidaadeu gi dee hagataalea Tagi Maolunga bei hegau a hanu gilaadeu ne hai, gai gilaadeu ne maakau i de gadigadi a denga labodo hagammau.

1 Corinthians 10:6

Gai mee nei se hagaago danuaa niiodaadeu, gi dee llodo ai gidaadeu i de baubau bei olaadeu dagodo.

Psalm 95:9

go de masavaa a oodou dubuna madagidagi ne hagatale ai au ma de usuusu mai au, gai gilaadeu gu gidee donu agu hegau hagalele mouli.

Exodus 17:2

Gai dangada ne hagadaumee ange gi Moses, ga hai ange, “Gaamai hanu vai e unu ai gimaadeu.” Gai Moses ga hai ange gi gilaadeu, “Gu aha gu loomai ai naa goodou e hagadaumee mai gi de au? Gai gu aha goodou gu hagatale ai naa Tagi Maolunga?”

Exodus 17:7

Gai Moses ne hagaingoo ange de mommee laa go Massah ma Meribah, go hiidinga de gau Israel ne hai baasi ange aama de hagatale Tagi Maolunga, ga hagataba, “E noho nei donu Tagi Maolunga i odaadeu daha be deai?”