Psalm 78:15 - De Beebaa Dabu

¹⁵ Ia ne hangahanga denga hadu i de vao, ma de gaavange gi gilaadeu vai lagolago bei de moana gelo.

Psalm 78:15 Referans Kwoze

Psalm 105:41

Ia ne hhuge de baba, gai gu sali mai ai denga vai; gai gu bei dahi saalingaa vai i de vao.

Numbers 20:11

Gai Moses ne hagaabo togo ga hagaili ai de hadu laa i e lua hanonga. Gai gu ssali mai vai lagolago, gai de hagabuulingaa dangada laa ma alaadeu manu ga unu ai.

Exodus 17:6

Tilo, au e hano naa e duu i honga de baba i Horeb i oodou mada i mua; gai koe ga hai doo dogo ga hagaili ai de baba, gai denga vai e ssali mai naa i lo te baba e unu ai dangada.” Gai Moses ga hai mee nei i madamada o dagi o de gau Israel.

1 Corinthians 10:4

gai alodahi ne unu hogi i vai mai i de baasi gi de hagasaalunga; gilaadeu ne unu mai i de hadu a de hagasaalunga ne daudali ange laa i gilaadeu, gai de hadu laa go Klisdo donu.

Psalm 114:8

go de ia ne haia de baba ga se mommee e hhao ai vai, gai ne hai de baba ga se saalingaa vai.

Revelation 22:17

Gai de Hagasaalunga ⌊Dabu⌋ ma de Hine gu dai hagahai bodu laa e hagataba, “Loomai.” Tangada e langona muna nei gi hagadaba, “Loomai.” Gai tangada e hieunu gi humai gi unu, gai tangada e lodo gi unumia vai o de mouli e dee hagao laa.

Revelation 22:1

Gai tangada de langi laa ne hagaago mai gi de au ssaalingaa vai o de mouli, e masalaba laa bei de crystal, gai e sali mai i de nohoanga o de Maadua ma Ssiibi Gauligi,

Isaiah 48:21

Gilaadeu tee hieunu i de masavaa olaadeu ne hulo saele ai i de vao; ia ne hai denga vai gi ssali mai lo te baba; ia ne hhanga de baba gai denga vai gu ssali mai ai.

Isaiah 43:20

Denga manu lodo henua bei jackal ma ostrich e hagadubu au, go hiidinga au e hai gi hanu vai i de vao, ma saalingaa vai i de mommee e deai vai iai, e hagaunu ai ogu dangada, go gilaadeu aagu ne hili,

Isaiah 41:18

Au e hai naa gi hanu saalingaa vai e ssali iho laa i denga mommee maolunga, ma vai e ssali age i lalo de henua i lodo geelonga. Au e hai naa de vao gi se mommee iai denga vai, gai de mommee mmasa gi ssali age ai vai i lalo de henua.