Psalm 77:14 - De Beebaa Dabu

¹⁴ Go koe de Maadua e haia hegau hagalele mouli, gai gu hagaago ange gi denga huaahenua doo mmahi.

Psalm 77:14 Referans Kwoze

Psalm 136:4

Go ia donu huu e haia denga hegau hagalele mouli, Dono abodonu e dagodo ga hano ai.

Daniel 6:27

Ia e hagaola ma de hagamouli, ia e hai denga sauaa ma mee hagalele mouli i de langi ma henua i lalo. Ia ne hagaola Daniel mai i denga laiono mmahi.”

Exodus 15:11

Tagi Maolunga, goai e bei oo dagodo i magavaa o denga diinonga? Goai e bei oo dagodo i de mahamaha gai e dabu? Au hegau e hagamaatagu, gai au sauaa e hagalele mouli!

Psalm 72:18

Hagadegi ina Tagi Maolunga de Maadua, de Maadua o Israel, go ia donu huu e haia hegau hagalele mouli.

Exodus 13:14

Gai noo oodou dama daane e ssili adu gi goodou i laangi e loomai nei de hagadoonunga o mee nei, gai goodou hai ange, ‘Tagi Maolunga ne hagassao mai gidaadeu i Egypt, go de mommee omaadeu nogo hai hegau ina ai, i dono lima sauaa;

Isaiah 51:9

De lima o Tagi Maolunga, alahage, alahage! Hakahu ina goe i de mahi, alahage, bei oo dagodo i denga laangi gu hulo, bei au hegau i denga atangada madagidagi. E aha, e dee go koe e duuduudia de Rahab ga too dagidahi ma de velo de manu laumalie laa?

Revelation 15:3

Gai gilaadeu ne daahili i taahili a Moses, tangada hai hegau o de Maadua, ma taahili a Ssiibi Gauligi, ga hagataba, “Tagi Maolunga de Maadua Mmahi Mmao laa, ga dae laa de hagamaatagu ma de hagalele mouli au hegau! Au hegau e heohi gai ni mee abodonu, de Hodooligi o denga huaahenua.

Exodus 15:6

Tagi Maolunga, doo lima madau e mmahi mmao; Tagi Maolunga, doo lima madau gu hagabalaginagina de hagadaumee.

Daniel 3:29

Deenei ai, au e hagailoo bolo be goai naa huu dangada mai i dahi huaahenua, aabe go dangada e pasa i denga hagadaagangaa muna alodahi, e daalaa hanu muna e hai baasi ange ai gi de Maadua o Shadrak, ma Meshak aama Abednego, gai e duuduu olaadeu angaanga gi too dagidahi, ma de oha olaadeu hale ga hai gi ni hagabuudungaa gainga, go hiidinga tigi ai ange donu se Maadua ne maua i de hagaola dahi, bei dana hai ne hagaola ai nei.”

Isaiah 52:10

Tagi Maolunga e hagaabo naa dono lima dabu, i madamada o denga huaahenua alodahi, gai henua i lalo alodahi e gidee naa de hagaola a taadeu Maadua.

Psalm 106:8

Aagai ia ne hagaola gilaadeu i hiidinga o dono ingoo, gai ia ga hagaago mai ai dono sauaa mmahi.

Psalm 86:10

I hiidinga koe e maolunga mmao gai e hai hegau hagalele mouli, go koe donu huu de Maadua abodonu.

Psalm 105:5

Manadua ana hegau hagalele mouli, ana sauaa ma ana hagamodu gu tala.

Psalm 68:25

Go de gau daahili i mua, olaadeu dua go de gau hagadangidangi, gai lo te ungaalodo go denga damaa hine e hagailiilia denga tambourine.