Psalm 77:12 - De Beebaa Dabu

¹² Au e hagamaumau naa donu au hegau alodahi; gai au e hagasaele au hegau mmahi.

Psalm 77:12 Referans Kwoze

Psalm 145:11

Gilaadeu e tala naa dagodo de mahamaha o doo nohoanga hodooligi, aama dagodo o doo sauaa,

Psalm 71:24

Gai au e tala naa dagodo o au hegau heohi i taiao ga boo ai, go hiidinga gilaadeu e nnoho laa e daa au gi magau gu hagadookaa ina ma de hagangadi mee ina.

Deuteronomy 6:7

Gai koe ga agoago ange ai au dama. Daalaa ange gi gilaadeu mee nei i doo nnoho i doo hale, ma doo seesee i honga de haiava, ma doo dagodo iho e sseni aama doo alahage.

Psalm 145:4

Dahi atangada e tuhi ange naa au hegau gi dahi atangada ange, gilaadeu e tala naa dagodo o au hegau sauaa.

Psalm 143:5

Au e manadua denga laangi gu hulo; au e hagamaumau mee alodahi aau gu hai, ma de hagasaele dagodo o au hegau.

Psalm 105:2

Daahili ange gi de ia i taahili tuhi, daalaa dagodo o ana hegau hagalele mouli alodahi.

Psalm 104:34

Gai agu dalodalo gi hagamalangilangi ina ia; gai au e malangilangi i Tagi Maolunga.

Deuteronomy 7:18

goodou aude maatagu i gilaadeu, gai goodou manadua mee a Tagi Maolunga doodou Maadua ne hai ange gi Pharaoh ma dangada alodahi o Egypt.

Deuteronomy 7:19

Goodou ne gidee denga hagaduasala kona, ma hagailonga ma mee hagalele mouli aama de lima sauaa mmahi o Tagi Maolunga doodou Maadua ne hagaabo laa, ga hagassao mai ai goodou. Gai Tagi Maolunga doodou Maadua e hai naa hogi denga huaadangada alodahi oodou e maatagu ai naa bei olaadeu dagodo.

Psalm 105:5

Manadua ana hegau hagalele mouli, ana sauaa ma ana hagamodu gu tala.

Psalm 119:52

Tagi Maolunga, au e manadua au hagamodu madagidagi, gai mee nei e hagaaneane ogu lodo.

Isaiah 63:11

Gai ono dangada e manadua naa denga masavaa madagidagi go laangi o Moses ma ono dangada — i hee iai de ia ne dagina mai gilaadeu laa lo te vai, madali de gau hagaloosi o dana hagabuulingaa ssiibi? Gai i hee iai de ia ne dugua ange dono Hagasaalunga Dabu gi olaadeu magavaa,