Psalm 75:4 - De Beebaa Dabu

⁴ Au e hai ange gi tangada basa hagamaolunga, ‘Aude basa hagamaolunga,’ gai e hai ange gi tangada baubau, ‘Aude hagamaolunga;

Psalm 75:4 Referans Kwoze

Zechariah 1:21

Gai au ne ssili ange, “Ni hegau aha a labagau o denga baalanga e loomai nei e hai?” Ia ne hai mai, “Aanei denga hanga ne haia laa ga mavaevae saele dangada o Judah, gai teai se dangada ne ilaage. Denga labagau nei ne loomai e hagamaatagu ma de hagamaolalo denga huaahenua ne hai baasi ange laa gi de henua o Judah ga hai gu mavaevae saele ono dangada.”

Proverbs 8:5

De gau llodo ssenga, haia gi maanetonu goodou, de gau ssenga, haia gi tonu ange goodou.

Proverbs 1:22

“De gau llodo ssenga, dee hee maa taulooloa doodou llodo e daohi doodou llodo ssenga? Dee hee maa taulooloa doodou doo i mee, ma doodou kino i de heiangi?

Psalm 148:14

Ia gu hagasula age dahi hanga moo ono dangada, de tuhi a ono dangada dabu alodahi, ma de gau Israel, go dangada aana e hagamogomogo. Duuhia Tagi Maolunga!

Psalm 94:8

Goodou gi tonu ange, de gau llodo ssenga i magavaa o dangada; de gau llodo ssenga, go aahee maa oodou e heiangi ai?

Psalm 89:17

Go koe delaadeu mahamaha ma olaadeu mahi; gai doo heohi gu hai ma gu hagadagadaga age omaadeu mmahi.

Proverbs 9:6

Dilia oodou llodo ssenga gi mouli ai goodou, gai daudali i de haiava e maua ai goodou gi tonu ange.”

1 Samuel 2:8

Ia e hagahiihidi age de gau hagaau aloha i lo te gelegele, ma gilaadeu e duasala mai i lodo lehu; ga hai gilaadeu gi nnoho madali denga dagi aama de gaavange gi gilaadeu denga duulanga hagadubu. Dagelo o henua i lalo alodahi ni mee nii Tagi Maolunga, gai go ia ne hagaduulia ange henua i lalo gi olaadeu elunga.

Psalm 68:3

Aagai gilaadeu e heohi e llodo danuaa naa, ma de malangilangi i mada luu mada o de Maadua; gilaadeu gi malangilangi mmao ma de lodo danuaa.

Psalm 97:5

Denga mounga e vaivai naa bei de candle i mada luu mada o Tagi Maolunga, ma mada i mua o de Ia Aamua o henua i lalo alodahi.