Psalm 74:3 - De Beebaa Dabu

³ Hannoo seesee i de mommee gu odi laa i de maoha; de hagadaumee gu oha alodahi doo hale dabu!

Psalm 74:3 Referans Kwoze

Daniel 9:17

Deenei ai, demaadeu Maadua, hagalaangona dalodalo ma dangidangi a doo dangada hai hegau. Gai haia de maalama o luoo mada gi hagamaalama ina doo mommee dabu gu ngadi dagodo laa, i hiidinga doo ingoo, de Ia Aamua.

Lamentations 1:10

De hagadaumee gu hagabudu ono goloa hagamogomogo alodahi. Gai ia ne gidee denga huaahenua gu ulu i dono mommee dabu — go dangada aau tee dugu ange gi ulu madali doo hagabuulingaa dangada.

Psalm 79:1

De Maadua, denga huaahenua gu kage mai gi honga doo henua; gilaadeu gu hai ma gu hakino gee doo temple dabu, gai gilaadeu gu oha Jerusalem alodahi.

Luke 21:24

Hanu gilaadeu e daia naa ga maakau i de gadilaasa, hanu e gaavee naa gi denga henua gee; aagai denga Gentile e dagadagahi naa Jerusalem gi lalo olaadeu vae, ga dae ai gi de odi delaadeu masavaa.

Mark 11:17

Gai ia ga agoago ange dangada, ga hai ange, “Gu sisi e hai ange, ‘Dogu hale e hagaingoo ange go de hale dalodalo o denga huaahenua alodahi.’ Aagai goodou gu hai gi se mommee niio de gau gaiaa.”

Micah 3:12

Deenei ai, Zion e hagabalabala ina naa bei de veelenga i oodou hiidinga. Jerusalem e bei naa dahi hagabuudungaa mee maoha, gai tuuduu iai laa de temple e hai naa ga se lodo mee muimui.

Micah 1:3

Tilo, Tagi Maolunga e humai i dono mommee noho, ia gu hano iho e seesee i honga mommee maolunga o henua i lalo.

Daniel 11:31

Gai ono hagabuulinga hebagi e hai naa ga dee gilimalali de mommee buibui makaga go de temple, ma de tuu de hai denga sigidaumaha, e hai laa i de laa tubua. Gai gilaadeu e hagaduu age naa de mee hakino gee, e haia laa ga ngadi dagodo de mommee laa.

Daniel 9:27

Gai ia e hai naa dahi hagatoo donu hagaheloongoi makaga madali dangada soa i e dahi uvigi. Gai ga madohi lua naa huu de uvigi laa, gai ia ga tuu gi dee hai denga sigidaumaha dudu ma sigidaumaha ange laa, gai ia e hagaduu naa dahi mee hakino gee i de bido o de temple, e haia laa ga ngadi dagodo de mommee, ga dae ai gi dono hagaodi bei de hai gu hagamodu ange ai laa gi de ia.”

Jeremiah 52:13

Gai ia ne dudu de hale o Tagi Maolunga, ma de hale o de hodooligi, aama hale alodahi i Jerusalem. Ia ne dudu hogi denga hale hagamogomogo alodahi i kilaa.

Isaiah 61:4

Gilaadeu e aahe ange naa ga hagatuu age mommee gu maoha ma gu ngadi daakodo i denga masavaa gu hulo; gilaadeu e hagaahe age naa denga aduhale gu maoha laa, ma gu ngadi daakodo mai i denga atangada gu hulo.

Isaiah 25:10

De lima mmahi o Tagi Maolunga e buibui de mounga nei, aagai ia e dagadagahi naa Moab gi lalo luoono vae, bei denga lau helii mmasa e dagadagahia laa gi lodo duudae.

Isaiah 10:6

Au ne hai ia gi hano gi hai baasi ange gi dahi huaahenua baubau, au ne kave ia gi hai baasi ange gi dahi huaadangada oogu e lili ai laa, ma de hai gi de mahi gilaadeu ga kave olaadeu goloa, aama de dagadagahi gilaadeu bei denga bela i honga denga haiava.

Psalm 44:26

Hidi age ma gi humai balea mai gimaadeu; gai hagaola ina gimaadeu i hiidinga o doo abodonu!

Psalm 44:23

De Ia Aamua, hidi age! Gu aha gu seni ai naa goe? Alahage! Koe gi dee dilia gimaadeu ga hano ai!

Nehemiah 2:13

Au ne hano i de boo laa lo te Haitoga i de Geelonga e hano laa gi de Vai Geli o de Dragon ga hano ai gi de Haitoga o Duudae. Gai au ne tilo denga mommee i de buibui o Jerusalem gu maoha laa, ma ono haitoga gu dudu laa ma gu maoha i de ahi.

Nehemiah 2:3

aagai au ne hai ange gi de hodooligi, “Gi daulooloa de mouli o de hodooligi! Gai gu aha gu dee lodo baubau ai au, gai de aduhale iai daanunga o ogu dubuna madagidagi e maoha ma e dagodo ai, ono haitoga gu dudu ma gu maoha?”

Nehemiah 1:3

Gai gilaadeu ga hai mai, “Dangada ne ola ga nnoho i de henua gu hai ngadaa mmao ma de hagadookaa olaadeu dagodo; de buibui o Jerusalem gu maoha, gai ono haitoga gu lava i de dudu i de ahi.”

Joshua 10:24

Gai de masavaa alaadeu ne hagassao mai ai denga hodooligi laa ga gaamai gi daho Joshua, gai ia ga hagahi denga daane alodahi o Israel, gai ia ga hai ange gi denga dagi o denga daane hebagi ne hulo laa madali ia, “Goodou hulo gi paa ange goodou mage dugua ange oodou vae gi honga ua o denga hodooligi laa.” Gai gilaadeu ga hulo ga dugu ange olaadeu vae gi honga olaadeu ua.

Revelation 11:2

Gai koe aude haidea lo te buibui laa daha o de temple; dugua donu huu, go hiidinga gu dugu ange gi denga huaahenua, gai gilaadeu e hagadee kii naa ga kave de aduhale dabu laa i e madahaa ma lua malama.

2 Kings 25:9

Gai ia ne dudu de hale o Tagi Maolunga, ma de hale o de hodooligi, aama denga hale alodahi i Jerusalem. Ia ne dudu hogi denga hale hagamogomogo alodahi i kilaa.