Psalm 74:15 - De Beebaa Dabu

¹⁵ Go koe ne huugea denga vai ma saalingaa vai; koe ne hai gi maamasa denga saalingaa vai mmahi.

Psalm 74:15 Referans Kwoze

Numbers 20:11

Gai Moses ne hagaabo togo ga hagaili ai de hadu laa i e lua hanonga. Gai gu ssali mai vai lagolago, gai de hagabuulingaa dangada laa ma alaadeu manu ga unu ai.

Isaiah 48:21

Gilaadeu tee hieunu i de masavaa olaadeu ne hulo saele ai i de vao; ia ne hai denga vai gi ssali mai lo te baba; ia ne hhanga de baba gai denga vai gu ssali mai ai.

Psalm 105:41

Ia ne hhuge de baba, gai gu sali mai ai denga vai; gai gu bei dahi saalingaa vai i de vao.

Joshua 2:10

Gai gimaadeu gu langona de hai a Tagi Maolunga ne hai ai ga deai vai o Tai Mmea i oodou mada i mua, i de masavaa oodou ne ssao ai i Egypt, ma doodou hai ne hai ai luu hodooligi o de gau Amor i baasi dua o Jordan, go Sihon ma Og, go luu hodooligi oodou ne oha olaau mommee.

Revelation 16:12

Gai de ono dangada de langi ne llingi iho mee i lo tana boolo gi honga de vai laumalie go Euphrates, gai de vai laa gu masa, e hai ai de haiava e hagadabena ange gi denga hodooligi mai i baasi dua.

Habakkuk 3:9

Koe gu dada mai dau mee hholu, koe ne hagahi mai denga dao lagolago o dau mee hholu. Selah Koe ne hangahanga henua i lalo i denga saalingaa vai;

Isaiah 44:27

Gai au e hai ange gi de moana gelo, ‘Koe gi masa, gai au e hai naa gi maamasa denga saalingaa vai.’

Isaiah 11:16

Gai e dahi naa haiava laumalie ange gi ono dangada e doe, e aahe mai ai i Assyria, bei de hai o de gau Israel ne loomai ai laa i Egypt.

Psalm 78:15

Ia ne hangahanga denga hadu i de vao, ma de gaavange gi gilaadeu vai lagolago bei de moana gelo.

2 Kings 2:8

Gai Elijah ne hagaui dono malo laa daha ga hagaili ai honga de vai. Gai vai laa gu vvae lua, hanu gu hulo gi de madau, gai hanu gi de masui, gai gilaau ga seesee laa lo te mommee masa laa ga hulo ai gi de baasi gee.

2 Kings 2:14

Gai ia ga hai de malo laa daha ne doo iho laa i daho Elijah, ga hagaili ai honga de vai, ga hagadaba, “I hee iai Iahweh, de Maadua o Elijah?” Gai de masavaa huu aana ne hagaili ai honga de vai, gai denga vai laa gu vvae lua; hanu ne hulo gi de madau gai hanu gi de masui, gai ia ga seesee ga hano gi de baasi laa.

Psalm 114:3

Tai ne gidee, gai gu savini ga hano, ssaalingaa vai go Jordan ne ahe dua.