Psalm 73:9 - De Beebaa Dabu

⁹ Gilaadeu e pasa ma e hai baasi ange gi de langi, gai olaadeu alelo e aheahe saele i henua i lalo.

Psalm 73:9 Referans Kwoze

Revelation 13:6

Gai de manu laa ne basa ga hagangadi mee de Maadua, ma dono ingoo ma dono mommee e noho ai, aama gilaadeu e nnoho i de langi.

James 3:6

De alelo e bei de ahi ula. Gai se mommee iai de baubau gu dugu madali mee i odaadeu angaanga, gai e hai ga hakino gee de angaanga alodahi, gai e haula ai mee alodahi, mai i de ahi o Gehenna.

Exodus 5:2

Aagai Pharaoh ga hai ange, “Gai goai donu go Iahweh, gai au ga daudali ai i ana muna, ma de dugu de gau Israel gi hulo? Au e dee iloo donu be goai go Iahweh. Gai au e dee dugu hogi de gau Israel gi hulo.”

Daniel 7:25

Gai ia e basa hagamaolunga naa i de Ia Maolunga Mmao laa, ma de hagaduasala de gau dabu o de Ia Maolunga Mmao laa, ma de hagatale de sui denga masavaa aama denga hainga. Gai e dugu ange naa de gau dabu gi lalo dono sauaa ga dae ai gi de odi dahi masavaa, ma hanu masavaa, aama dahi baasi masavaa.

Daniel 3:15

Noo goodou gu paba ange e duuduli e daumaha ange gi dagu diinonga gu hagaduu laa, i de masavaa oodou e langona ai de ili o de hanga manu, ma de flute, ma de lyre, ma mee hagadangidangi iai daula, ma de harp, ma de bagpipe, aama denga hagadaagangaa mee hagadangidangi alodahi, gai gu danuaa. Aagai noo goodou e dee daumaha ange gi tiinonga laa, gai goodou e tili ange donu gi lo te ahi ula mmahi i de masavaa moolau. Gai goai naa donu de maadua e maua i de hagaola goodou mai i dogu sauaa?”

2 Chronicles 32:15

Deenei ai, goodou aude dugua ange Hezekiah gi hagasengalia goodou ma de daahanga goodou i de mee nei. Goodou aude hagadonusia ana muna, go hiidinga tigi ai donu se diinonga daudahi o denga huaahenua aabe go denga nohoanga hodooligi ne maua i de hagaola ono dangada mai i gimaadeu ma ogu damana. Gai e kii ange naa donu tee maua e doodou Maadua i de hagaola goodou mai i de au!”

Luke 18:4

Gai ia tee bale ange de hine laa i dahi masavaa daulooloa, aagai muli mai huu gai ia ga hagadaba, ‘Au e dee madagu i de Maadua aabe e hagadubu dahi dangada daudahi,

Psalm 52:4

Koe e lodo i muna hagammae manava alodahi, koe e daahanga dangada i au muna!

De Beebaa go Job 21:14

Gai gilaadeu e hai ange gi de Maadua, ‘Aude hakoso ina gimaadeu! Gimaadeu e dee llodo gi iloo e gimaadeu au hagatau.