Psalm 73:27 - De Beebaa Dabu

²⁷ Tilo, dangada e hagammao gee i de goe e maakau donu; gai koe e daa gi maakau gilaadeu e hulo gee mai i de goe.

Psalm 73:27 Referans Kwoze

James 4:4

Goodou dangada e dee hai hegau i de mee abodonu! Goodou e dee iloo laa bolo tangada e hai soa ange gi henua i lalo e hai baasi ange donu gi de Maadua? Deenei ai, be goai e lodo e hai soa ange gi henua i lalo, gai ia e hai donu ia gi se hagadaumee niio de Maadua.

Psalm 119:155

De hagaola e mmao gee donu i de gau baubau, i hiidinga gilaadeu e dee hai hegau i au muna gu hagasauaa.

Exodus 34:15

Gai goodou dagidiiloo gi dee haia e goodou dahi hagatoo donu hagaheloongoi, madali dangada o de henua nei, go hiidinga de masavaa naa huu alaadeu e hai ai denga dahulinga baubau, i delaadeu sigidaumaha ange gi olaadeu diinonga, gai gilaadeu ga gauna adu goodou, gai goodou ga hulo hogi, ga gai mee gu sigidaumaha ange gi olaadeu diinonga;

Numbers 15:39

Gai denga huga malo nei ni mee e hai gi gidee e goodou, gai gi manadua ai e goodou muna alodahi a Tagi Maolunga, gai goodou ga daudali ai i ana muna, goodou gu dee hai donu huu oodou lodo, bei doodou hai e hai ai naa iainei.

Psalm 106:39

Gai gilaadeu gu hakino gee i alaadeu hegau ne hai, gilaadeu ne hai hegau bei de hine hai be se manu.

Isaiah 29:13

Gai e hagadaba de Ia Aamua: “De huaadangada nei e hagapaa mai gi de au i olaadeu ngudu, ma de hagadubu donu huu au i alaadeu muna e tala, aagai olaadeu lodo e mmao gee donu i de au. Alaadeu hai daumaha mai gi de au, e daudali i dahulinga ne ago mai i daho dangada.

Ephesians 2:17

Gai ia ne humai ga agoago adu goodou denga Gentile e mmao gee laa i dagodo o de baba, aama ange hogi gi de gau Ssuu e paa ange laa.

Ephesians 2:13

Aagai iainei goodou gu nnoho i lodo o Klisdo Iesu; i mua gai goodou e mmao gee i de ia, aagai iainei gu gaamai gi paa mai i dodo o Klisdo.

Jeremiah 12:2

Koe ne doo gilaadeu, gai olaadeu aga gu ssomo; gilaadeu gu ssomo ma de hhua lagolago. Gilaadeu e dagudagu doo ingoo i olaadeu ngudu, aagai olaadeu lodo e mmao gee donu i de goe.

1 Chronicles 10:13

Gai a Saul ne magau i hiidinga ia tee hai hegau i de muna abodonu ange gi Tagi Maolunga; ia tee daohi muna a Tagi Maolunga, aagai ia ne hano ga ssala de bale mai i daho dahi hahine hai huuhuaa mee,

Esther 9:30

Gai Mordecai ne kave denga leda gi de gau Ssuu alodahi i denga vaaenga e 127 i de nohoanga hodooligi o Ahasuerus, i dagodo o de nnoho baba ma de muna abodonu,

Jeremiah 17:13

Tagi Maolunga, go de tali a Israel, dangada alodahi e dilia goe e dookaa naa. Gilaadeu e daahuli gee i de goe e bei mee e sisi i honga de gelegele ⌊e moolau laa de llilo⌋, i hiidinga gilaadeu gu tili Tagi Maolunga, go ssaalingaa vai iai de mouli.