Psalm 73:26 - De Beebaa Dabu

²⁶ Dogu angaanga ma ogu lodo e baageaa naa, aagai go de Maadua e hagammahi ina ogu lodo, go ia dogu duuhanga ga hano ai.

Psalm 73:26 Referans Kwoze

Psalm 138:3

De masavaa aagu ne hagahi adu ai goe, gai koe ne basa mai gi dagu dangidangi; koe ne hai au gi lo taane ma de lodo mmahi.

Psalm 18:2

Tagi Maolunga go dogu baba makaga, ma dogu mommee buibui makaga, ma dogu Ia Hagaola; dogu Maadua go de baba makaga, go ono daha oogu e mmuni ai. Go ia dagu mee hungihungi, ma de hanga manu e hagaola ina mai au, ma dogu mommee buibui makaga.

Psalm 84:2

Au e hinangalosaa aama de lodo mmao e tilo de buibui o de hale o Tagi Maolunga; ogu lodo ma dogu ngudu e daahili i de malangilangi ange gi de Maadua e mouli laa.

Psalm 63:1

De Maadua, go koe dogu Maadua, au e hagaduu ngae e ssala goe; dogu hagasaalunga e lodo mmao i de goe; dogu angaanga e buliaamou mmao i de goe, i de henua mmasa ma de hagadaalea, go de mommee e deai vai iai.

Psalm 142:5

Tagi Maolunga, au e dangi adu gi de goe; au e hai adu, “Go koe donu dogu buibui, ma dogu duuhanga i dogu mouli nei.”

Lamentations 3:24

Au e hagadaba, “Go Tagi Maolunga dogu duuhanga; deenei ai, go ia dagu tali.”

Psalm 27:14

Koe gi tali hagalodolodo ange gi Tagi Maolunga; koe gi lodo mmahi ma de lo taane, aama de tali ange Tagi Maolunga.

2 Peter 1:14

go hiidinga au e iloo bolo gu baa mai donu dogu hano gee i de angaanga nei, bei de hai a taadeu Dagi Maolunga go Iesu Klisdo gu hagaago mai ai gi de au.

Philippians 1:21

Go hiidinga dogu mouli go Klisdo, gai dogu magau go dagu maua abodonu.

Psalm 119:57

Go Tagi Maolunga dogu duuhanga; au gu hagatoo donu bolo au e daohi au muna.

Psalm 40:12

I hiidinga hai ngadaa lagolago gu duuli au; ogu baubau gu aahe mai donu gi de au, au gu dee maua i de galo ange e tilo. Ogu baubau gu lagolago ange i ngaangaaulu o dogu biho; gai au gu deai sagu tali.

De Beebaa go Job 13:15

Gai ga daia naa donu e ia ga magau au, gai au e dahi donu agu tali ange gi de ia; gai au e tala ange donu dogu donu gi de ia.

Revelation 21:7

Be goai e kii i mee nei, gai au e bolo ange de mee nei gi de ia; au e hai naa go dono Maadua gai ia go dagu dama.