Psalm 72:3 - De Beebaa Dabu

³ Denga mounga gi haia gi nnoho paba dangada, gai denga duuduu gi haia mee nei i de heohi!

Psalm 72:3 Referans Kwoze

Isaiah 52:7

Ga dae laa de mahamaha i honga denga mounga vae o dangada e gaamai de longo danuaa, go de ia e daalaa dagodo o de nnoho paba, ma de gaamai denga longo danuaa ma de tala dagodo o de hagaola, ma de hai ange gi Zion, “Go doo Maadua e hodooligi!”

Joel 3:18

De laangi laa gai e hai naa tau uvaini i honga denga mounga, gai e lagolago naa vai uu i honga denga duuduu; denga saalingaa vai alodahi o Judah nogo deai vai iai e ssali ai naa vai. Gai dahi vai e sali mai naa i de hale o Tagi Maolunga, ga hagamaluulu de geelonga o Shittim.

Daniel 9:24

E madahidu uvigi gu hagamodu ange gi oo dangada ma doo aduhale dabu, e hagaodi ange ai de masavaa o olaadeu haisala, ma de hai gi deai haisala, aama de degi ange gi baubau, gai ga hai gi sula de heohi ga hano ai, ma de hai gi bei de midi hagaago ange ma muna pelaabisi, aama de hagadabu i de lolo de mommee dabu mmao.

Psalm 72:16

Gi lagolago grain i honga de henua; ma de singasinga saele i honga mounga. Gai ono huamanu gi ssomo danuaa bei Lebanon; gai gi soa dangada i lodo aduhale bei denga helii lagolago i honga de henua.

Psalm 65:12

De mommee iai helii i lodo henua gu lagolago mmao, gai denga duuduu gu malangilangi.

Isaiah 45:8

De langi i lunga, haia gi hano iho de heohi bei de langi pala mai i denga hagausinga. Gai henua i lalo gi huugea ono haitoga, gi somo age ai de hagaola gai de heohi gi matili age hogi; go au, go Iahweh ne haia de mee nei.

Isaiah 60:17

Au e gaavadu naa gi de goe goolo e sui ai bronze, denga selevaa e sui ai iron, denga bronze e sui ai laagau, gai denga iron e sui ai hadu. Au e hai naa de noho baba gi dagina goe gai de heohi go doo hodooligi.