Psalm 72:18 - De Beebaa Dabu

¹⁸ Hagadegi ina Tagi Maolunga de Maadua, de Maadua o Israel, go ia donu huu e haia hegau hagalele mouli.

Psalm 72:18 Referans Kwoze

Psalm 41:13

Hagadegi ina Tagi Maolunga, de Maadua o Israel, mai i de masavaa e dee ngado mai ga dae ai gi de masavaa e dee ngado mai! Amen gai Amen.

Psalm 106:48

Hagadegi ina Tagi Maolunga, de Maadua o Israel, mai i de masavaa e dee ngado mai ga dae ai gi de masavaa e dee ngado mai. Gai dangada alodahi gi hai ange, “Amen!” Duuhia Tagi Maolunga!

1 Chronicles 29:10

Gai David ga tuhi Tagi Maolunga i madamada o dangada alodahi, ga hagadaba, “Duuhia goe, Tagi Maolunga, de Maadua o demaadeu dubuna madagidagi go Israel, mai i de masavaa e dee ngado mai ga dae ai gi de masavaa e dee ngado mai.

Psalm 86:10

I hiidinga koe e maolunga mmao gai e hai hegau hagalele mouli, go koe donu huu de Maadua abodonu.

Exodus 15:11

Tagi Maolunga, goai e bei oo dagodo i magavaa o denga diinonga? Goai e bei oo dagodo i de mahamaha gai e dabu? Au hegau e hagamaatagu, gai au sauaa e hagalele mouli!

Psalm 136:4

Go ia donu huu e haia denga hegau hagalele mouli, Dono abodonu e dagodo ga hano ai.

Psalm 77:14

Go koe de Maadua e haia hegau hagalele mouli, gai gu hagaago ange gi denga huaahenua doo mmahi.

Psalm 68:35

De Maadua, koe e hagamaatagu mmao, i doo mommee dabu; de Maadua o Israel ne gaavange de mmahi ma ssauaa gi dono huaadangada. Hagadegi ina de Maadua!

1 Chronicles 29:20

Muli mai gai David ne hai ange gi dangada alodahi gu hagabuni laa, “Duuhia Tagi Maolunga doodou Maadua.” Gai dangada alodahi ga tuhi Tagi Maolunga, de Maadua o olaadeu dubuna madagidagi, ga ino gi lalo ga daumaha ange gi Tagi Maolunga, ma de hagadubu de hodooligi.

De Beebaa go Job 5:9

Ia e hai denga mee hagalele mouli e dee maua laa gi tonu ange aagena, gai taelodo o ana sauaa e dee maua donu i de dau.

De Beebaa go Job 9:10

Ia e hai mee hagalele mouli e dee maua laa gi tonu ange aagena, ma denga sauaa e dee maua laa i de dau.

Psalm 77:15

Koe ne hagaola oo dangada i doo lima sauaa, go de aamuli o Jacob ma Joseph. Selah

Psalm 98:1

Daahili ange gi Tagi Maolunga i taahili hoou, i hiidinga o ana hegau hagalele mouli gu hai; dono lima madau ma dono lima dabu gu hai ma gu kii ia.