Psalm 7:16 - De Beebaa Dabu

¹⁶ Ana hegau baubau gi aahe ange donu huu gi de ia, dono alasala gi ahe ange donu huu gi de ia.

Psalm 7:16 Referans Kwoze

Esther 9:25

Aagai de masavaa a de hodooligi ne iloo ai de hagatau laa, gai ia ne hagadaba i de leda aana ne sisi ai laa, i dagodo o de hagatau baubau a Haman ne hai laa e hai baasi ange gi de gau Ssuu, bolo gi ahe ange donu huu gi de ia, gai gi daudaulia gilaadeu ma ana dama daane i honga denga laagau.

1 Kings 2:32

Tagi Maolunga gi suuia ange dana daa ga maakau dangada, go hiidinga dogu damana go David tee iloo donu e ia dana poo luu daane laa ga daa gu maakau i de gadilaasa. Go Abner, tama daane a Ner, tagi o de hagabuulinga hebagi o Israel, aama Amasa, tama daane a Jether, tagi o de hagabuulinga hebagi o Judah — gilaau ngaadahi e danuaa ange ma de heohi ange i de ia.

Psalm 36:12

Diiloo gilaadeu e haia de baubau gu baakuu ma gu daakodo ai — gilaadeu gu baakuu ma gu dee maua i de hiihidi age ange!

1 Samuel 28:19

Gai Tagi Maolunga e dugu ange naa goe aama Israel gi de gau Philistia, gai daiao goodou ma au dama daane e maakau naa. Gai Tagi Maolunga e dugu ange naa de gau Philistia gi hagadee kii ina de hagabuulinga hebagi o Israel.”

1 Samuel 26:10

Gai David ga hai ange, “Au e hagatoo donu i de mouli o Tagi Maolunga, bolo go Tagi Maolunga e daa ina ia gi magau; e dee hilihili be ia e magau i dono laangi e magau ai, aabe ia e magau i de hebagi.

1 Samuel 23:9

Gai David gu iloo bolo a Saul gu hagadabena e hebagi ange ai gi de ia. Gai ia ga hai ange gi Abiathar, tangada haimeedabu, “Gaamai de ephod gi kinei.”

Psalm 36:4

Ia e hai donu hogi denga hagatau baubau i honga dono moenga; ia e hagababa ange ia gi dahi haiava e dee danuaa; gai ia e dee kino donu i de baubau.

1 Kings 21:19

Gai koe hai ange gi de ia, ‘E hagadaba Tagi Maolunga: E dee go koe ne daia laa dahi dangada ga magau ga kave dono alahenua?’ Hai ange hogi gi de ia, ‘E hagadaba Tagi Maolunga: de mommee a denga gaaduu ne samusamu ai laa dodo o Naboth, go kilaa hogi a denga gaaduu e samusamu ai oo dodo!’ ”

Esther 7:10

Gai gilaadeu ga daudau Haman i honga de laagau aana ne hagaduu laa e daudau ai Mordecai, gai de hodooligi gu ahe dono lili.

De Beebaa go Job 4:8

Au gu gidee bolo gilaadeu e doo ina de baubau, ma gilaadeu e dooa de hai ngadaa e hagihagi naa hogi ono hua.

Psalm 9:16

Tagi Maolunga gu hagaago mai ono dagodo, i dana hagamodu muna i de heohi; de gau baubau gu boogia mai i alaadeu hegau baubau. Higgaion. Selah

Psalm 35:8

Haia gi dee angahia e gilaadeu de humai o de hai ngadaa gi gilaadeu; gilaadeu gi vinia i de galauna alaadeu gu dugu laa, ma de too ange gi lo te geelinga laa gi dee ssula age ai gilaadeu.

Psalm 57:7

De Maadua, ogu lodo e dee sui donu, ogu lodo e dee sui donu; au e daahili ma de tuhi goe!

Psalm 141:10

Haia de gau baubau gi too ange gi lodo alaadeu sele gu hagadabena mai gi de au, gai au gu dee madagu i de seesee i kilaa.

Proverbs 1:19

Aanei hogi dagodo o dangada alodahi e haia ga lagolago olaadeu mee i de vaivai hai dangada; goloa bee nei e daa donu huu tangada ga magau.

Proverbs 26:27

Tangada e gelia laa dahi geelinga e doo ange naa gi ono lodo, gai tangada e hagadigelia dahi hadu, de hadu laa e ahe mai naa ga dau i de ia.

Ecclesiastes 10:8

Be goai e gelia dahi geelinga e doo ange naa gi ono lodo, gai be goai e oohaa dahi buibui e gaadia naa i dahi labodo hagammau.