Psalm 69:35 - De Beebaa Dabu

³⁵ Go hiidinga de Maadua e hagaola naa Zion ma de ahe ange ga hagatuu age denga aduhale o Judah, gai gilaadeu e nnoho naa i kilaa ga henua ai.

Psalm 69:35 Referans Kwoze

Isaiah 44:26

go au e hagassula ina muna a ogu dangada hai hegau, aama de hagassula muna pelaabisi a ogu dangada hagailoo. Au e hagadaba i dagodo o Jerusalem, ‘Dangada e aahe ange naa ga nnoho ai,’ ma de hagadaba i dagodo o aduhale o Judah, ‘Denga aduhale e hagatuu age ange naa, gai au e hagaahe age naa mommee gu maoha laa.’

Psalm 51:18

Koe gi malangilangi i de hai ange tanuaa gi Zion; hagaduulia age de buibui o Jerusalem;

Isaiah 46:13

au e hai gi baa mai dogu heohi, gai e dee mmao donu; gai dagu hagaola mai e dee mmule donu. Au e hai dagu hagaola gi dagodo i Zion, gai dogu mahamaha i Israel.

Obadiah 1:17

Aagai dangada e ola naa i honga de mounga go Zion, gai de mounga laa e dabu naa; gai dangada o Jacob e kave naa delaadeu henua ga henua ai.

Revelation 14:1

Gai au ne galo adu ange gu gidee Ssiibi Gauligi e duu i honga de mounga go Zion, gai e tuu madali ia e 144,000 dangada gu sisi ange gi honga olaadeu lae dono ingoo ma de ingoo o dono Damana.

Isaiah 14:32

Dee hee dau hai e basa ange ai gi de gau sui o de huaahenua laa? Hai ange, “Tagi Maolunga gu hagaduu gi makaga Zion, gai ono dangada nogo vaivai haia laa e gidee naa delaadeu mommee buibui i ono daha.”

Psalm 102:16

Go hiidinga Tagi Maolunga e ahe ange naa ga hagaduu age Zion; ia e hagasula mai naa i dono mahamaha.

Psalm 102:13

Koe e hidi age naa ga lodo aloha ange gi Zion; i hiidinga gu dae doo masavaa e abodonu ange ai, gai gu dae mai de masavaa gu hagailonga laa.

1 Chronicles 16:32

Tai ma mee alodahi iai gi hagangolo, denga duu malaelae ma mee alodahi iai gi malangilangi!

Psalm 145:10

Tagi Maolunga, mee alodahi aau ne hai e hagaahe adu naa de abodonu gi de goe, oo dangada dabu e tuhi naa goe.

Psalm 145:21

Au e tala tuhi dagodo o Tagi Maolunga. Alodahi e mouli gi hagadegi ina dono ingoo dabu ga hano ai e dee ngado mai.

Psalm 148:4

Lo te langi maolunga, duuhia ia, aama denga vai i lo te langi i lunga!

Isaiah 44:23

De langi, hevaalogi daahili i de malangilangi, i hiidinga go Tagi Maolunga ne haia de mee nei! Denga mommee i lalo de henua, goodou hevaalogi. Denga mounga, hevaalogi i taahili, de lodo henua, ma manu alodahi e ssomo ai, go hiidinga Tagi Maolunga gu hagaola Jacob, ia gu hagaago mai dono mahamaha i Israel.