Psalm 69:33 - De Beebaa Dabu

³³ I hiidinga Tagi Maolunga e hagallongo talodalo a tangada e duasala, gai ia e dee ngalo ono dangada e nnoho i lo te hale pono.

Psalm 69:33 Referans Kwoze

Psalm 68:6

De Maadua e gaavange gi tangada hagaaloha dahi huaabodu, ma de hagassao mai dangada i de hale pono ga hagailaage gilaadeu; gai de gau makaga olaadeu lodo e nnoho naa i de henua e deai vai iai.

Psalm 146:7

Ia e hagamodu muna o olaadeu e vaivai haia i de heohi; ma de gaavange gai a dangada e hiikai. Tagi Maolunga e hagassao mai gilaadeu i lo te hale pono;

Psalm 12:5

“Go hiidinga de gau hagaau aloha e vaivai haia, gai gilaadeu e duasala e gonogono,” e hagadaba Tagi Maolunga, “Au e hidi age naa. Au e hai naa gilaadeu gi nnoho paba bei olaadeu lodo.”

Revelation 2:10

Aude madagu i mee oou gu dai hagaduasala ina ai. Tilo, de ia hagabaubau laa gu dai hai naa gi dilia ange hanu goodou gi lo te hale pono e hagatale ai goodou, gai goodou e vaivai haia naa i e madaangahulu laangi. Gai goodou tuu gi makaga ga dae ai gi doodou maakau, gai au ga gaavadu gi de goe de hau o de mouli.

Ephesians 3:1

Gai deenei dogu hiidinga, go Paul, tangada o Klisdo Iesu gu nnoa ai laa i lo te hale pono i oodou hiidinga denga Gentile —

Luke 4:18

“De Hagasaalunga o Tagi Maolunga e noho i ogu daha, go hiidinga ia gu hagadabu au gi agoagona ange de longo danuaa gi de gau hagaau aloha. Ia ne hai au gi humai gi hagassao ina mai gilaadeu i lo te hale pono, ma de hai gi kide gilaadeu e dee kide, ma de hagailaage gilaadeu e vaivai haia,

Psalm 102:20

ga hagallongo de tangi o dangada i lo te hale pono ma de hagaola gilaadeu gu hagamodu e daa gi maakau.

Psalm 102:17

Ia e basa ange naa gi dalodalo a de gau hagaau aloha, gai ia e dee hagangadi mee alaadeu dangidangi.

Psalm 34:6

Tangada hagaaloha nei ne dangi, gai Tagi Maolunga gu langona dana dangi, ga hagaola ia mai i ono hai ngadaa alodahi.

Psalm 10:17

Gai koe, Tagi Maolunga, ne hagallongo lodo o olaadeu e vaivai haia; koe e hagammahi ange olaadeu lodo, ma de hagallongo delaadeu tangi,

Isaiah 66:2

E aha, e dee go dogu lima ne haia mee nei alodahi, deenei ai, gu hanu mee nei alodahi? go Tagi Maolunga e hagadaba. Deenei tangada aagu e hagadubu: go tangada e lodo maolalo ma de dahuli abodonu ono lodo, ma de bolebole i dono madagu i agu muna.

Psalm 107:10

Hanu ne nnoho i lo te goohunga ma de gohu boo dangodango, gilaadeu i lo te hale pono e duasala i denga daula baalanga,

Psalm 22:27

Henua i lalo alodahi e manadua, ma de daahuli mai gi Tagi Maolunga; gai aamuli alodahi o denga huaahenua e daumaha adu naa gi de goe.

Psalm 34:3

Hagaamua ina Tagi Maolunga madali au, gidaadeu ga hagaamua dono ingoo!

Amos 5:4

Gai aanei muna a Tagi Maolunga ange gi dangada o Israel: “Goodou saalaa mai au gi mouli ai goodou;

Amos 5:6

Goodou saalaa Tagi Maolunga gi mouli ai goodou, ia kana humai ga hano laa magavaa aamuli o Joseph bei dagodo o de ahi; gai ia ga dudu ga gilaadeu alodahi, gai e deai naa donu se dangada e diinei ina de ahi laa.