Psalm 69:3 - De Beebaa Dabu

³ Au gu dalea mmao i de dangidangi i de bale; dogu holomanga gu mmasa gee. Luoogu mada gu daalea i de dagitilo de humai o dogu Maadua.

Psalm 69:3 Referans Kwoze

Psalm 6:6

Au gu dalea mmao i de gonogono; de boo alodahi gai dogu moenga e ssui i ogu loimada, ogu loimada e hai ga ssui dogu mee dagodo.

Isaiah 38:14

Au e goo naa bei de swallow, ma de crane, au e goo naa bei de manu kono. Luoogu mada gu daalea i de galo age gi de langi, dogu Ia Aamua, au gu duasala, balea mai au!

Psalm 119:123

Luoogu mada gu dalea mmao i de dagitilo de masavaa aau e hagaola ai, ma de hai gi bei dau hagatoo donu heohi.

Psalm 119:82

Gu daulooloa mmao dagu tali de hagasula o dau hagatoo donu; gai au e ssili, “Go aahee maa aau e hagaaneane ai ogu lodo?”

Deuteronomy 28:32

Koe e gidee naa de noonoodia o au dama daane ma au damaa hine ga gaavange gi hanu dangada henua gee; koe e gidee naa mee nei ma de hinangalosaa i gilaadeu i de laangi ga boo ai, aagai koe gu dee maua i de hai dahi mee daudahi.

Hebrews 5:7

Gai de masavaa o Iesu ne mouli ai i henua i lalo, gai ia ne dalodalo aama de dangidangi i de dangi see aama de ssali ono loimada ange gi de ia e maua laa i de hagaola ia mai i de magau, gai de Maadua ne hagallongo dana dangidangi, i hiidinga ia e hai hegau i de hagadubu ma de madagu.

John 19:28

Dua mee laa, gai Iesu gu iloo bolo mee alodahi gu lava, gai gi hagassula ai muna a de Beebaa Dabu, gai Iesu ga hagadaba, “Au gu hieunu.”

Lamentations 2:11

Luoogu mada gu hhua i dogu dangi, gai gu dee baba ogu lodo; ogu lodo gu kona mmao de hinangalosaa i hiidinga ogu dangada gu maakau, gai denga gauligi ma gaagaa gu hiikai i honga denga haiava o de aduhale.

Psalm 69:21

Gilaadeu ne gaavange mee hagammau gi lodo agu gai, ma de hagaunu au i denga mee mmala.

Psalm 39:7

Dogu Ia Aamua, goai aagu e tali ange aagena? Au e tali hagalodolodo adu gi de goe.

Psalm 25:21

De hai hegau i de mee abodonu ma de heohi gi buibuia ngau, i hiidinga go koe dagu tali hagalodolodo.

Psalm 22:15

Ogu mahi gu masa bei de gumedi hadu, gai dogu ua gu buni; koe gu danu au i lo te gelegele o de magau.

Psalm 22:2

Dogu Maadua, au e dangi i de laangi, aagai koe e dee basa mai; au e dangi i de boo, au e dee maua donu i de hagamabu.

De Beebaa go Job 16:16

Luoogu mada gu mmea i dogu dangi, gai luoogu hiihii mada gu hhua ma de uli;

De Beebaa go Job 11:20

Aagai de gau baubau e dee gidee de mee heohi; gai gilaadeu e dee maua gi ola. Delaadeu tali e bei naa alaadeu manava hagaodi.”

Psalm 40:3

Ia ne hai au gi daahili i dahi daahili hoou, se daahili e tuhi ai taadeu Maadua. Dangada soa e maatagu naa i delaadeu gidee, gai gilaadeu e hagadonusia naa Tagi Maolunga.

Psalm 88:7

Au gu langona iho de daemaha o doo bole, gai koe gu hagaabulu au i au beau alodahi. Selah