Psalm 69:27 - De Beebaa Dabu

²⁷ Hagaduasala ina gilaadeu i haisala lagolago, gai koe aude degi ange gi gilaadeu.

Psalm 69:27 Referans Kwoze

Isaiah 26:10

Gai ga abodonu ange naa donu dangada gi de gau baubau, gai gilaadeu e dee maua donu i de ago de mee heohi; gai ga nnoho naa donu gilaadeu i de henua o olaadeu e heohi, gai gilaadeu e duudagi donu de hai hegau i de baubau, gilaadeu e dee anga ange donu gi de maolunga o Tagi Maolunga.

Nehemiah 4:5

Aude degi ange donu gi mee olaadeu gu haisala ai, aabe gi haolia olaadeu haisala mai i mada luoo mada; go hiidinga gilaadeu gu hagadookaa de gau hagatuu.”

2 Timothy 4:14

Alexander, de labagau o denga bronze, gu hai mai dahi hegau baubau mmao gi de au; gai Tagi Maolunga gi hagao ina ange ana hegau baubau.

Romans 1:28

Gai go hiidinga gilaadeu tee llodo e daohi i olaadeu lodo de muna abodonu i dagodo o de Maadua, deelaa ai, ia gu tili ange gilaadeu gi haia denga maanadu llodo ssenga aama de hai denga dahulinga e dee heohi de hai.

Romans 9:31

aagai dangada o Israel ne hagaduu ngae laa ga ssala delaadeu hai e hagaheohi ai i de hainga, tee maua e gilaadeu i de hagasula de hainga.

Romans 9:18

Deelaa ai, de Maadua e abodonu ange gi tangada oona e lodo e abodonu ange aagena, gai e hagamakaga lodo o tangada aana e lodo e hagamakaga ono lodo.

Psalm 109:14

Tagi Maolunga gi dee ngalo donu baubau o ono maadua, gai gi dee sooloa donu haisala o dono dinana.

Psalm 81:12

Deelaa ai, au e dugu ange naa gilaadeu gi daudali i alaadeu hagasaele hagamaolunga.

Leviticus 26:39

Gai dangada e doe laa i henua o oodou hagadaumee e odi naa i de maakau i hiidinga olaadeu baubau, ma hiidinga hogi baubau o olaadeu dubuna madagidagi.

Exodus 9:12

Gai Tagi Maolunga ga hagamakaga lodo o Pharaoh, gai ia tee hagallongo ange gi Moses ma Aaron, bei de hai a Tagi Maolunga gu tala ange ai laa gi Moses.

Exodus 8:32

Aagai Pharaoh ne hagamakaga hogi ono lodo i de hanonga laa, ia tee dugu de gau Israel gi hulo.

Exodus 8:15

Aagai ga gidee huu e Pharaoh bolo de hagaduasala laa gu ui gee, gai ia ga hagamakaga ono lodo; ia tee hagallongo ange gi Moses ma Aaron, bei de hai a Tagi Maolunga gu tala ai laa.

Matthew 21:19

Gai ia gu gidee dahi fig e somo i gaogao de haiava, gai ia ne hano e tilo be hanu hua iai, gai ia tee gidee hanu hua i de manu laa, gai ni lau manu donu huu iai. Gai ia ga hai ange, “Koe e dee ahe ange naa donu e hua!” Gai de fig laa gu mmae i de masavaa laa donu huu.

Isaiah 5:6

Au e hai naa de veelenga laa gi se ngadi gelegele; au e dee velevele naa donu aabe hagabalabala de veelenga laa, gai gi ssomo age ai denga manu duiduia ma manu daladala; au e hai ange naa gi denga hagausinga gi haia gi dee pala iho de langi gi ono elunga.

Psalm 24:5

Tangada bee nei e kave naa de manuuia mai i daho Tagi Maolunga, gai de Maadua dono hagaola e tala naa bolo ia e heohi.

De Beebaa go Job 19:22

Gu aha goodou gu doolohi ai naa ngau bei mee a Maadua e hai? Gai tigi lava naa donu oodou mee e hai mai gi de au?

Isaiah 53:4

Ni muna abodonu, ia ne kave odaadeu baageaa ma de hagauda odaadeu daemaha; gai gidaadeu ne maanadu bolo de Maadua ne hagaduasala ia, ia ne hagailiilia, ma de hagammae.