Psalm 69:26 - De Beebaa Dabu

²⁶ Go hiidinga gilaadeu ne vaivai hai tangada aau gu haele, ma de hagammae tangada aau gu hagalagohia.

Psalm 69:26 Referans Kwoze

Isaiah 53:4

Ni muna abodonu, ia ne kave odaadeu baageaa ma de hagauda odaadeu daemaha; gai gidaadeu ne maanadu bolo de Maadua ne hagaduasala ia, ia ne hagailiilia, ma de hagammae.

Zechariah 1:15

Gai au gu kona hogi dogu lili i denga huaahenua e nnoho paba laa, go hiidinga de masavaa oogu ne damaa lili ai i ogu dangada, gai gilaadeu ne kona donu delaadeu hagaduasala ogu dangada.

2 Chronicles 28:9

Aagai e dahi pelaabisi o Tagi Maolunga, dono ingoo go Oded, ia ne hano e hedae ange gi de hagabuulinga hebagi i de masavaa olaadeu ne aahe mai ai i Samaria. Gai ia ne hai ange gi gilaadeu, “Tilo, go hiidinga Tagi Maolunga, de Maadua o oodou dubuna ne lili i dangada o Judah, gai ia ne dugu adu goodou gi hagadee kii ina gilaadeu. Gai goodou ne daa gilaadeu ga maakau i doodou llili, gai de mee nei gu dae age gi de langi.

Zechariah 13:7

“De gadilaasa, alahage, hai baasi ange gi dogu dangada hagaloosi, gai hai baasi ange gi tangada e baa mai gi de au! go Tagi o denga hagabuulinga hebagi e hagadaba. Daia gi magau tangada hagaloosi, gi mavaevae saele ai denga ssiibi, gai au e hagaabo naa dogu lima e hai baasi ange ai gi denga ssiibi gauligi.

Isaiah 53:10

Aagai se hagatau nii Tagi Maolunga, de hagammae ia ma de hagaduasala ia, gai dono mouli ne hai ai ssigidaumaha o tagasala. Deelaa ai, ia e gidee naa ono hagadiilinga soa, ma de lagolago ono laangi e mouli ai; gai de hagatau a Tagi Maolunga e hagasula naa i ono daha.

1 Thessalonians 2:15

aanei hogi gilaadeu ne daia ga magau Tagi Maolunga go Iesu ma denga pelaabisi, aama de alualu gimaadeu gi hulo. Gilaadeu tee hagamalangilangi de Maadua, aama de hai baasi ange gi dangada alodahi!

Psalm 109:16

Go hiidinga ia tee maanadu de hai hegau i de abodonu, gai ne vaivai hai de gau hagaau aloha ma de duasala, aama gilaadeu e daemaha mmao laa.

De Beebaa go Job 30:13

Gilaadeu gu oha dogu haiava; gilaadeu gu hagahai ngadaa donu au, gai teai hogi dangada ne daohia gilaadeu.