Psalm 69:13 - De Beebaa Dabu

¹³ Aagai au e dalodalo adu gi de goe, Tagi Maolunga, i de masavaa o doo abodonu; basa mai gi dagu dalodalo i hiidinga doo abodonu laumalie, ma doo hai hegau i de mee abodonu.

Psalm 69:13 Referans Kwoze

2 Corinthians 6:2

Gai ia e hagadaba, “Au ne hagallongo dau dangidangi i de masavaa heohi, gai au ne bale adu goe i de laangi o de hagamouli.” Tilo, de masavaa heohi go iainei; tilo, go iainei donu de laangi hagamouli.

Isaiah 49:8

E hagadaba Tagi Maolunga: “Au e basa adu naa gi dau dangidangi i de masavaa danuaa, ma de bale adu goe i de laangi o de hagaola; au e hagaloosi naa goe ma de hai goe gi se hagatoo donu hagaheloongoi ange gi denga huaadangada, ma de hagaahe adu doo henua, ma de vaevae denga boolonga gu ngadi daakodo laa,

Psalm 91:15

Au e basa ange naa gi de ia, i de masavaa aana e hagahi mai ai au; au e noho naa i ono daha i de masavaa hai ngadaa, gai au e hagaola naa ia ma de hagadubu ia.

1 Samuel 25:8

Gai koe siilia ange gi oo daane hai hegau, gai gilaadeu ga tala adu ai gi de goe mee nei. Deenei ai, koe gi abodonu ange gi ogu daane; go hiidinga gilaadeu ne loadu gi oo daha i de masavaa o taonga. Aude haihaia, gaavange gi oo dangada hai hegau, ma dau dama go David, be ni gai aha aau e mau i de gaavange gi gilaadeu.’ ”

1 Peter 2:23

Gai de masavaa a dangada ne pasa baubau ai i de ia, aagai ia tee sui ange donu alaadeu muna; dono masavaa ne hagaduasala ai, aagai ia tee hagadaba bolo ia e sui ange alaadeu hegau. Aagai ia ne dugu ange mee alodahi gi de ia e hagamodu ina dagodo o mee alodahi i de heohi.

Hebrews 5:7

Gai de masavaa o Iesu ne mouli ai i henua i lalo, gai ia ne dalodalo aama de dangidangi i de dangi see aama de ssali ono loimada ange gi de ia e maua laa i de hagaola ia mai i de magau, gai de Maadua ne hagallongo dana dangidangi, i hiidinga ia e hai hegau i de hagadubu ma de madagu.

Isaiah 55:6

Saalaa Tagi Maolunga i de masavaa e maua ai gi gidee ia; dalodalo ange gi de ia i de masavaa oona e baa mai ai.

Genesis 24:27

ga hagadaba, “Duuhia Tagi Maolunga, go de Maadua o dogu dangada aamua go Abraham. Ia tee ngalo donu dono abodonu, ma de hai hegau i de mee abodonu ange gi dogu dangada aamua. Tagi Maolunga gu dagi mai donu au gi de hale o dangada o dogu dangada aamua.”

Luke 22:44

Gai ia ne dalodalo hagammahi i de daemaha mmao ono lodo, gai ono daadaa gu bei denga madaua dodo nnui gu too iho gi honga de gelegele.

Psalm 98:3

Ia tee ngalo donu dono abodonu, ma de hai hegau i de mee abodonu ange gi de gau Israel. Henua i lalo alodahi gu gidee e gilaadeu de kii o taadeu Maadua.

Psalm 51:1

De Maadua, degi mai gi de au gi bei dagodo o doo abodonu; sooloa gi deai ogu haisala, bei de laumalie o doo lodo aloha.

Psalm 32:6

Deenei ai, dangada alodahi e heohi gi dalodalo adu gi de goe i de masavaa alaadeu e maua ai goe; ni muna abodonu, de masavaa naa huu e hagahonu age ai de vai mmahi, gai gilaadeu gu dee maua gi daea adu ia.

Esther 7:2

Gai de hodooligi ga hai ange hogi gi Esther, i de masavaa olaadeu e unu ai uvaini i de hagalua laangi, “De hine hodooligi go Esther, se aha oou e lodo e dangidangi mai ai? Be se aha naa huu oou e dangidangi ai, gai e hai donu gi bei, ga dae ai loo gi dahi luu baasi o dogu nohoanga hodooligi.”

Esther 5:6

Gai de hodooligi ne hai ange gi Esther, i de masavaa alaau e unu ai uvaini, “Se aha oou e lodo ai? Au e gaavadu naa donu gi de goe. Gai se aha naa huu oou e lodo e dangidangi ai? Gai e gaavadu naa donu gi de goe, ga dae ai loo gi dahi luu baasi o dogu nohoanga hodooligi.”

Esther 5:2

Gai ga gidee huu e ia de hine hodooligi go Esther e duu i lo te buibui, gai ia gu malangilangi ga haalo ange de laagau hodooligi goolo e poo laa i dono lima. Gai Esther ga humai ga hagabaa ange ga poo ma te laagau hodooligi laa.

Luke 1:72

ma de hagasula dono lodo aloha gu hagatoo donu ange laa gi odaadeu dubuna madagidagi, aama de hagamaanadu dana hagatoo donu hagaheloongoi dabu,

Micah 7:20

Koe e hai hegau ange naa gi Jacob i de muna abodonu, ma de abodonu ange gi Abraham, bei dau hai gu hagatoo donu ange ai gi omaadeu dubuna madagidagi.

Lamentations 3:63

Galo ange diiloo de masavaa olaadeu e nnoho ai gi lalo ma de tuu gi lunga; gai gilaadeu e hadu ogu daahili.