Psalm 68:8 - De Beebaa Dabu

⁸ gai henua i lalo gu ngalungalue, de langi gu hai gi pala iho de langi, i mada i mua o de Maadua, de Maadua o Sinai, i mada i mua o de Maadua, de Maadua o Israel.

Psalm 68:8 Referans Kwoze

Exodus 19:18

Gai de mounga go Sinai gu buu ai de useahi, go hiidinga Tagi Maolunga gu hano iho gi ono elunga i de ahi. Gai de useahi laa gu haoli kilaa bei dagodo o de useahi o de ahi mmahi, gai de mounga laa alodahi gu ngalungalue.

Exodus 19:16

Gai taiao huu o de hagadolu laangi, gai gu babaa denga hatuli ma de labalaba denga uila, gai de hagausinga maadolu gu haoli de mounga laa, gai gu kona de nganangana de ili o de hanga manu. Gai dangada alodahi i de mommee nnoho gaainga gu bolebole i delaadeu maatagu.

Hebrews 12:26

De masavaa laa gai dono leo ne hagangalungalue henua i lalo, aagai iainei ia gu lava i de hagatoo donu bolo, “E dahi ange naa hanonga aagu e hagangalungalue ai henua i lalo ma de langi.”

Isaiah 45:3

Gai au e gaavadu naa gi de goe denga goloa hagamogomogo e daakodo laa i de mommee gohu, ma goloa lagolago i de mommee e dee gidee laa, gi iloo ai e goe bolo go au donu go Iahweh, de Maadua o Israel, ne hagahia adu goe i doo ingoo.

Psalm 77:18

De babaa o au hatuli e ngolo bei de madangi mmahi, au uila e hagamaalama henua i lalo, gai henua i lalo e ngalungalue ma de ngalullulu.

Psalm 68:35

De Maadua, koe e hagamaatagu mmao, i doo mommee dabu; de Maadua o Israel ne gaavange de mmahi ma ssauaa gi dono huaadangada. Hagadegi ina de Maadua!

Psalm 41:13

Hagadegi ina Tagi Maolunga, de Maadua o Israel, mai i de masavaa e dee ngado mai ga dae ai gi de masavaa e dee ngado mai! Amen gai Amen.

Isaiah 64:3

De masavaa aau ne hai ai denga mee hagamaatagu amaadeu tee iloo bolo e hai, koe ne hano iho, gai denga mounga gu ngalungaalue i oo mada i mua.

Psalm 114:7

Henua i lalo, bolebole i mada luu mada o de Ia Aamua, ma mada luu mada o de Maadua o Jacob,

Revelation 11:19

Gai gu hhuge de temple o de Maadua i de langi, gai au gu gidee de ngavesi o dana hagatoo donu hagaheloongoi i lo tono temple. Gai gu labalaba mai ai denga uila, ma de nguu lo te moana i de babaa o denga hatuli, ma de ngalungalue o de henua, aama de too iho o denga dibadibaa haisi nnui.

Habakkuk 3:13

Koe se humai e hagaola oo dangada, ma de hagamouli de ia aau gu hagadabu i de lolo. Koe ne hagabalaginagina tagi o de henua baubau, gai ne aau malo mai i dono biho ga dae iho ai gi dono bido i lalo. Selah

Isaiah 64:1

Mee naa koe gi saea de langi ga iho mai gi lalo, gi ngalungaalue ai denga mounga i mada luoo mada!

Exodus 13:18

Gai de Maadua ne hai gilaadeu gi holiage saele i de haiava o de vao e hano laa gi Tai Mmea. Gai de gau Israel gu paba ange e hebagi, i de masavaa olaadeu ne ssao ai ga hulo gee mai i Egypt.

Judges 4:14

Gai Deborah ne hai ange gi Barak, “Hidi age! Ailaa nei gai Tagi Maolunga e dugu adu naa goe gi hagadee kii ina Sisera. Gai Tagi Maolunga e hano naa i oo mada i mua!” Deelaa ai, Barak ne hano iho mai i de mounga go Tabor madali e dahisemada daane hebagi.